德美壽司 (德民街)

Open Now

Now Closed

今晚約咗友人去紅磡，一於睇吓有咩食先!! 行下行下見到ㄧ個個紅色日式燈籠掛在門口，餐牌上食物又多選擇，好吸引😍。ㄧ於入去食餐飽。入到店內有好多日式擺設，座位不算太寬敞，但還可以。 餐桌上擺上有 「德美」字眼的餐具，都幾靚。至於餐牌內真係好多選擇，刺生、夀司、定食、串燒、天婦羅、包羅萬有……見到佢地D壽司好吸引，我就點咗壽司盛合，內包括有甜蛋、青瓜卷和八件壽司分別係(三文魚、章紅魚、呑拿魚、熟蝦、八爪魚、帆立貝、三文魚子、鰻魚) 。壽司雖然細細粒，不過刺生就好新鮮， 尤其是嗰粒帆立貝壽司，帆立貝肉質肥厚鮮甜，真係好好味😚😋友人就點了ㄧ客安格斯牛扒定食，定食包括有沙律、 麵豉湯、白飯同埋一件大大塊安格斯牛扒。 件牛扒好有肉味，亦不會過熟，淋上甜甜香香的醬汁，配上日本米白飯，令人一口接一口食過不停。其實我哋已經食到好飽，但係見到啲串燒又好吸引，忍唔住都係要叫咗兩隻鹽燒雞翼，雞皮燒得好香脆，肉質嫩滑，用簡單的鹽作調味，已是送酒嘅佳品!最後埋單時， 侍應拿出兩粒芝麻雪米糍畀我哋作飯後甜品，真係一個完美嘅句號。總括嚟講呢間日本居酒屋係唔可以咁少人嚟食嘅!!因為我想食嘅嘢太多啦……下次一定要叫多D朋