PizzaExpress (K11購物藝術館) (Closed)

今日放工約了一個很久沒見面的朋友出去尖沙咀食飯，由於太耐沒有食過薄餅，於是選擇了一間薄餅餐廳食。因為有預約了7點入座，所以避免了等位的時間。我們選了晚市套餐，再加上一個焗蘑菇芝士沾醬配麵包球。最後我們主菜叫了一個頭盤意式焗肉丸，兩個主菜：蟹肉白酒汁意粉和北京烤鴨薄餅，再加一杯凍檸茶。凍檸茶是可以無限添，不過就要追加10蚊。紅茶味道都幾濃，甜度則是它給糖水自己調教，另外檸檬就不會再添。我就飲了3杯，都算不錯。頭盤的肉丸是番茄醬配麵包，口感酸辣非常醒胃。而蘑菇芝士沾醬則有濃濃的蘑菇香味，另外搭上麵包球的鬆軟又有咬口。蟹肉白酒汁意粉就有檸檬附上，加入檸檬汁後，酸甜的意粉就顯得更加美味。北京烤鴨薄餅則混合了中式菜同西式薄餅，這個配搭又意想不到好食，感覺似不用手去夾烤鴨，但薄餅就更加香脆。不過鴨的份量不夠多。整體而言，今次晚餐的食物的味道一流，不過價錢上就偏高級。