Video
Read full review
2016-01-03
1106 views
灣仔地帶，本人識條毛咩！全靠友人介紹，又有口褔！一路的士直入，只係慕住芝士撈丁呢款港式獨有美味而嚟！藏於小巷之中，間舖門面細細，如果唔係司機大哥喺正門口停車，自己揾真係好易睇漏眼！店舖細細，但過咗LUCNCH TIME都少爆，令我更加期待！| 雞扒芝士撈麵 |茶記當然就唔多評論食物賣相，始終最有風味嘅茶記美食就係唔太金鵰玉砌嘅港式市井風味！味道方面，雞扒比想像中鮮嫩，有種中學雞時放飯，走入茶記食個雜扒餐嗰種味道！同樣係快餐式嘅質素，但你唔會覺得厨房欠誠意，反而回味起哪些年嗰種風味！最重要係咁平嘅價錢，就享受到大大塊嘅雞扒！至於個芝士醬汁，香濃幼滑，唔會太稀或太「傑」，水份調節得啱啱好，令到成個撈面惹味又飽肚，學生哥點可能唔LIKE！？夾埋雞雞扒同個撈麵簡真係天作之合！而最最最最值得我畀正評嘅，係佢個公仔麵煮得剛好，唔會太硬太乾身，或太稔食之無味，淋上芝士醬汁，麵身仲有空間吸收個醬汁，撈一撈香氣四溢！正！
藏於小巷之中，間舖門面細細，如果唔係司機大哥喺正門口停車，自己揾真係好易睇漏眼！店舖細細，但過咗LUCNCH TIME都少爆，令我更加期待！
| 雞扒芝士撈麵 |
茶記當然就唔多評論食物賣相，始終最有風味嘅茶記美食就係唔太金鵰玉砌嘅港式市井風味！味道方面，雞扒比想像中鮮嫩，有種中學雞時放飯，走入茶記食個雜扒餐嗰種味道！同樣係快餐式嘅質素，但你唔會覺得厨房欠誠意，反而回味起哪些年嗰種風味！最重要係咁平嘅價錢，就享受到大大塊嘅雞扒！
至於個芝士醬汁，香濃幼滑，唔會太稀或太「傑」，水份調節得啱啱好，令到成個撈面惹味又飽肚，學生哥點可能唔LIKE！？夾埋雞雞扒同個撈麵簡真係天作之合！而最最最最值得我畀正評嘅，係佢個公仔麵煮得剛好，唔會太硬太乾身，或太稔食之無味，淋上芝士醬汁，麵身仲有空間吸收個醬汁，撈一撈香氣四溢！正！
Post
