Video
Read full review
2021-11-16
42 views
侍應姐姐仲會同你講每道菜式嘅名稱，點解咁配搭，同埋建議嘅食法！好窩心💓******************************🌟沙律：parma ham、蜜瓜、蘆荀，一貫絕妙嘅配搭！🍈青色圓形叫”蓮芋”，係芋頭嘅莖，食落有啲似爽口嘅竹笙，好鬼得意！兩粒車厘子甜度十足，好正👅******************************🌟前菜：鮟鱇魚肝配磯煮日本花螺磯煮日本花螺：日本醬油加甜味為主既磯煮醬，花螺煮到入曬味，肉質保持鮮嫩彈牙！-鮟鱇魚肝：第一次食呢個高級食材，口感細滑、入口即化，同鵝肝相似。但多食會膩，所以廚師刻意喺表面灑上青檸皮碎，中和番個油膩感。******************************❣喜之次配明太子忌廉醬（伴辣椒籽、龍珠果及食用玫瑰花）喜之次🐟係日本高級以油分高見稱嘅白魚，第一啖食落非常鮮嫩多汁，外層燒到脆口。食多兩啖可以配以明太子忌廉醬同唔辣嘅辣椒籽去中和油膩感！最後以清甜多汁嘅龍珠果作結😻******************************❣南非鮑魚第一碟菜係原隻南非鮑魚🤩師傅貼心咁將鮑魚切好，客人只要跟住個紋理就好容易切得開嚟食。鮑
-
人生第一次嘅鐵板燒就奉獻左比佢🤪好彩佢一啲都無令我失望！🤩餐廳選用新鮮食材，食每道餸之前，靚女侍應姐姐仲會同你講每道菜式嘅名稱，點解咁配搭，同埋建議嘅食法！好窩心💓
******************************
🌟沙律：parma ham、蜜瓜、蘆荀，一貫絕妙嘅配搭！🍈青色圓形叫”蓮芋”，係芋頭嘅莖，食落有啲似爽口嘅竹笙，好鬼得意！兩粒車厘子甜度十足，好正👅
******************************
🌟前菜：鮟鱇魚肝配磯煮日本花螺
磯煮日本花螺：日本醬油加甜味為主既磯煮醬，花螺煮到入曬味，肉質保持鮮嫩彈牙！
-
鮟鱇魚肝：第一次食呢個高級食材，口感細滑、入口即化，同鵝肝相似。但多食會膩，所以廚師刻意喺表面灑上青檸皮碎，中和番個油膩感。
******************************
❣喜之次配明太子忌廉醬（伴辣椒籽、龍珠果及食用玫瑰花）
喜之次🐟係日本高級以油分高見稱嘅白魚，第一啖食落非常鮮嫩多汁，外層燒到脆口。
食多兩啖可以配以明太子忌廉醬同唔辣嘅辣椒籽去中和油膩感！
最後以清甜多汁嘅龍珠果作結😻
******************************
❣南非鮑魚
第一碟菜係原隻南非鮑魚🤩師傅貼心咁將鮑魚切好，客人只要跟住個紋理就好容易切得開嚟食。
鮑魚煮得啱啱好，一啲都唔會韌。🤟🏼
另外伴碟係屬於海草類嘅紅綠雞冠草，再點埋個鮑魚肝醬一齊食，簡直係相得益彰！👅
******************************
❣大虎蝦
大虎蝦經師傅嘅烹調過後變成幾份精緻嘅蝦球🦐虎蝦嘅鮮味大啖肉配上牛油同蝦頭嘅汁，簡單又香又好味！
-
伴碟仲有一塊煮到好入味又清新既白蘿蔔同紫椰菜，可以調劑一下牛油伴隨嘅少少油膩感🤏，食多啲都唔係問題😋
******************************
❣北海道帆立貝
大大粒嘅北海道帆立貝分別配上兩種唔同嘅配料：香味撲鼻嘅黑松露醬同埋三文魚子。
-
三文魚子經過師傅醃過，辟走左本身果種腥味，令到入口嘅味道更好！點埋伴碟嘅海膽忌廉醬，更加帶出海鮮鮮味🤤
******************************
❣焦糖鵝肝多士
店員大力推介呢個焦糖鵝肝多士，話食完之後唔會再想食其他舖頭嘅鵝肝多士。一食果然驚為天人！鵝肝上面既砂糖形成咗一層薄薄嘅焦糖脆皮！切開脆皮既聲音，清脆俐落，鵝肝非常厚身，食落口感綿密，配上少少黑醋同埋輕輕烤過嘅多士，好滿足呀😍
******************************
❣美國封門柳
餐廳預備左七成同五成熟嘅美國封門柳俾我哋！封門柳嘅肉味超濃但又肉質鬆軟！配合山葵油醋汁同鹽昆布，成件事日式左好多！😜
******************************
❣豬肉粒炒飯&新鮮紫菜魚湯
-
豬肉粒炒飯加上好洋蔥等等惹味配料，雖然已經好飽但絕對有能力食得晒☺️
-
熱葷尾聲以一碗超濃魚湯味嘅新鮮紫菜魚湯作結！
******************************
飯後有多士同埋雪糕球🍨點左開心果同埋柚子雪葩味嚟試。原來除左分別食兩款甜品之外，用多士棒點埋雪糕嚟食會仲特別同好味㗎！😍係推薦食法！
Post
