18巷泰國餐廳 (Closed)

講到食泰國野，朋友成日都話去九龍城。但自己又唔想去到咁遠，就近近地係銅鑼灣試下呢間泰國菜！作為開胃菜，我地5個人叫左一碟泰式鳳爪沙律，佢嘅鳳爪起晒骨，食落非常之方便。味道酸酸甜甜，唔會太辣，作為開胃菜最岩！之後我地再叫左個生菜包。食得泰國野，生菜包一定離不開啦！佢地嘅肉碎炒得好惹味，帶點辣，非常刺激味蕾！之後我地再叫左個大蝦冬陰公湯同酥皮青咖喱。湯味道帶酸，唔會太辣，幾好飲！酥皮咖喱唔會太油膩，用酥皮去點咖哩食最正！6個人叫4樣都夠曬飽，有機會一定要再黎食！