合利粥麵餐廳 (Closed)

呢一間店舖係屬於街坊小店好耐歷史， 有隻肥黑貓係佢嘅鎮店之寶次次我去食都同隻貓 玩。 佢做粥粉麵我比較欣賞佢嘅雲吞麵煙韌度啱啱好， 係正宗雲吞麵入面屬於高質素嘅。 我最鍾意佢嘅薑蔥撈麵同埋佢嘅豬潤麵， 啲豬潤做到啱啱好唔會生又唔會過 熟， 自己整真係冇可能整到。 地方唔算寬敞坐位比較窄， 不過我係夜晚9點幾食， 一啲都唔迫。 有時我食一碗唔夠就另外加個豉油王炒麵或者 油炸鬼。 如果講食物質素係好嘅。 價錢唔算貴廿幾蚊一碗麵撈麵三十幾價錢同出面街差唔多但面嘅質素係超值嘅。