新記芝士麵 (Moved) New Location

同朋友晏D有野做，於是7點就去左佢公司附近食晚飯，佢係呢間芝士麵ge忠實fans，上次陪佢嚟怕漏無叫到，今次終於可以試下。聽佢講呢間舖頭平日夜晚通常都唔使等位，一眼望落去都係茶餐廳格局，卡位+長期都係播住無線ge電視，不過值得一提係侍應叔叔幾好人，落單個時仲會同我地講兩句，好有親切感 上菜（麵）速度都算快，4個人ge野都同一時間送到，啱哂我地比較趕ge人。我同另外2位朋友都叫左芝士麵，我個碗係司華力腸＋雞翼，朋友叫左豬頸肉，另外有一位叫左豬扒腸仔，全部都好好吃 本來我冧住芝士一定好鹹同漏，但係估唔到一D都無好滯ge感覺，雖然賣相一般但係口感一流！司華力腸都有煎過，食落幾香口。另外2位朋友對佢地ge選擇都好滿意 仲有一位朋友叫左豬扒煙肉乾撈麵，佢話食得太多芝士麵想試下新野；一上碟都聞到有少少辣味，朋友本身唔係好食得辣，所以要不停飲水（不過食得辣ge朋友話其實OK），佢本身係呢間舖頭整ge豬扒ge忠實FANS，所以除左有D辣佢都食得好開心 每個人$42/44(豬扒/豬頸肉要加2蚊)，送一杯熱飲，抵食！下次再嚟過～