和藏桂林夜市 (Closed)

今日收工趕住番屋企做埋份功課，落雨又唔想出街食，唯有拿拿林食少少野醫下肚，行經呢間野先發現原來賣韓國小食果間鋪已經執左。黎到門口見佢個個擺設都幾靚，幾光猛，姐姐好熱情，佢介紹我食呢個超10蚊既抵食組合，不過我無食到。同埋我發現佢係肥姐格離賣墨魚鴨腎😯 於是叫左串墨魚，發現個味道同肥姐差唔多，以後唔想排隊排咁長，可以試吓食呢間😂😂😂呢個就係炸豆腐喇，正，佢個皮炸到好脆，咬落去唔會有咬唔開d皮既情況，加埋個汁，豆瓣醬同埋辣椒粉，好惹味。 呢一個係必食，一定要試下。