美味餃子店 (Moved) New Location

睇呢度既食評一面倒支持，怕且都有番咁上下。 上星期去開嗰頭終於一試，果然係好嘢，絕對值得推薦. 舖面不大，只容3-4張檯，但不算太迫。我們兩人叫左細既雲耳椰菜肉水餃同白菜肉水餃，堂食跟湯上，嘩！滋味無窮！湯濃而不膩，作為一個湯怪，我覺得非常正，兩種餃子都十分掂，皮薄通透但不失嚼勁，餡相當多之餘多菜少肉，細緻分明，水準極高。講真十幾蚊碗淨係食誠意都抵。隔兩日我仲試埋外賣生餃，都一樣咁得，打邊爐的話可能大隻得滯，記住淥耐D。