Crit Room

Open Now

Now Closed

好姊妹生日揀左上灣呢間意大利餐廳，餐廳只有set揀，而且係得兩個set，一個688一個988但兩個set嘅嘢其實差不多！貴少少嗰個可能多左個酒送同埋有少少嘢多左揀之外其實無乜特別，所以我地揀左688嗰個再加枝酒，appetizers我地覺得salads無乜特別，所以4人揀左2個meatball 同ham大家share試!meatball好味，但我以為係牛肉味道，其實係豬肉，之後就係海鮮(蟹鉗配帶子）帶子好味再加佢個醬，醬係蕃茄加甜椒制成嘅配埋個帶子一流，之後我同妹叫松露意粉，另位兩位朋友就叫左一個肉醬粉同意大利飯，先講松露意粉，好重松露味而且意粉嘅質感好似台灣麵，好味！至於肉醬粉，唔知點解我覺得好騷，感覺好似羊肉！意大利飯都好味！之後main course我地當然揀和牛😂只有妹妹揀左魚，和牛肉質剛剛好加埋個汁同薯蓉，成個set其實都好飽！不過唯一唔ok嘅係枝紅酒🍷，越攤越酸！