魔膳廚房 (Closed)

好耐冇試過成班姊妹聚會，緊係要搵一個好地方食個靚飯。朋友係網上搵到呢間餐廳，睇相就幾好啦，而且重可以半自助任食，一於去試下啦。地點觀塘站附近既工廈入面，其實個工廈都幾舊下，d lift重要人手開關，不過似乎幾多穩世餐廳，同lif唔少年青人。餐廳唔算大，不過幾多裝飾，話哂最近多節日，而家重有高枱同矮枱。我地被安排坐高枱，哈哈，哈比人都有比人高既一日。食物選擇唔算十分多，不過絕對可以令你試到好多野，幾欣賞佢既田螺薯蓉，非常滑而且汁好好味。自助既食物就冇影到啦，因為拎得好醜樣😄😄主菜係點單既，有幾種可以任點唔洗加錢，但如果想食豪d, 例如牛牛 龍蝦，就要加錢啦。我地當然要試哂所有包左既主菜啦。意粉幾好味，飯乾身左小小，黑松露味唔夠雞非常好食，好嫰身豬肋骨不過不失。 飲品同甜品都係自助既，花茶超級出色。總結黎講，性價比高。