Video
Read full review
2018-04-26
44 views
觀塘一向都好多靚餐廳，今日同朋友行完APM上網搵餐廳食dinner個時，一向有少女心嘅朋友就俾依間裝修精美嘅西餐廳吸引咗，就一於試試佢啦。沿住樓梯上餐廳個時已經覺得好靚，左右邊有好多畫，而且大門口就有一塊花花草草做背景。入到餐廳就更加感受到餐廳嘅別緻，同樣地有好多畫掛係牆，而且空間感好足，令人感覺好舒服。食物方面我地見佢menu上有特價 ，叫套餐就可以加1蚊多一款小食或甜品，好抵食啊咁我地就叫咗一份三色黃金芝士龍蝦拼羊架$218同三式芝士醬豬肋骨配薯角$168。兩樣都有得跟餐湯，店員都好貼心地主動介紹當日有咩湯揀﹐紅湯係雜菜湯而白湯就係甘蔗忌廉湯。我地餐湯就叫咗紅白湯各一，三色黃金芝士龍蝦拼羊架有得揀沙律或白酒煮青口做前菜，我地就揀咗後者啦。$1優惠我地就order咗糯米釀香辣雞翼。飲品就叫咗一杯凍玫瑰蜜花茶(+$3)同藍柑檸檬梳打(+$5)。一落完單就送上餐包，餐包暖笠笠而且好軟熟，加上牛油食幾開胃。餐湯我就覺得白湯更好味，因為佢仲有啲甘蔗粒粒一齊煮，更加有口感另外我叫個杯藍柑檸檬梳打幾好飲，微微嘅酸味，唔會太甜小食方面，白酒煮青口味道清淡，唔會搶咗海鮮嘅鮮味。我覺得糯米釀香辣雞翼較
沿住樓梯上餐廳個時已經覺得好靚，左右邊有好多畫，而且大門口就有一塊花花草草做背景。
入到餐廳就更加感受到餐廳嘅別緻，同樣地有好多畫掛係牆，而且空間感好足，令人感覺好舒服。
食物方面我地見佢menu上有特價 ，叫套餐就可以加1蚊多一款小食或甜品，好抵食啊
咁我地就叫咗一份三色黃金芝士龍蝦拼羊架$218同三式芝士醬豬肋骨配薯角$168。
兩樣都有得跟餐湯，店員都好貼心地主動介紹當日有咩湯揀﹐紅湯係雜菜湯而白湯就係甘蔗忌廉湯。
我地餐湯就叫咗紅白湯各一，三色黃金芝士龍蝦拼羊架有得揀沙律或白酒煮青口做前菜，我地就揀咗後者啦。
$1優惠我地就order咗糯米釀香辣雞翼。飲品就叫咗一杯凍玫瑰蜜花茶(+$3)同藍柑檸檬梳打(+$5)。
藍柑檸檬梳打
6 views
0 likes
0 comments
一落完單就送上餐包，餐包暖笠笠而且好軟熟，加上牛油食幾開胃。
餐湯我就覺得白湯更好味，因為佢仲有啲甘蔗粒粒一齊煮，更加有口感
另外我叫個杯藍柑檸檬梳打幾好飲，微微嘅酸味，唔會太甜
小食方面，白酒煮青口味道清淡，唔會搶咗海鮮嘅鮮味。
我覺得糯米釀香辣雞翼較有驚喜，帶一點點微辣，外皮焗過後更多香脆，入面嘅糯米又軟，令到口感好豐富
三式芝士醬豬肋骨配薯角
$168
11 views
0 likes
0 comments
主菜方面，三式芝士醬豬肋骨配薯角先上菜，不得不說嘅係份量真係好多，而且面頭有一層好香嘅芝士，更加令人食慾大增。
豬肋骨用咗一種酸酸甜甜嘅汁醃製過，中和到芝士嘅油膩，底下嘅薯角份量都好多。實在令人食指大動啊。
三色黃金芝士龍蝦拼羊架
$218
6 views
0 likes
0 comments
無耐三色黃金芝士龍蝦拼羊架都上菜了，龍蝦唔算好大隻，但肉質紮實，而且餐廳有先整碎個殼方便客人食用，好貼心。
另外羊架份量都幾多，而且好厚實。表面煎得好香口，而且多汁軟稔，熟度都岩岩好，無煮到熟晒但係切開時又唔會有血水。
食食吓見到其他枱嘅甜品好靚又忍唔住一人叫咗份甜品。我地叫咗提拉米蘇$48同泡沫咖啡慕絲$48。
食物擺設果然用心，除左甜品插上小花外，仲有花瓣係邊邊圍住
味道上我就比較喜歡泡沫咖啡慕絲，慕絲好香滑仲有淡淡嘅咖啡香 朋友就較喜歡提拉米蘇，因為酒味夠濃。
泡沫咖啡慕絲
$48
7 views
0 likes
0 comments
提拉米蘇
$48
17 views
0 likes
0 comments
埋單$540，人均$270。價格又合理好滿足啊
Post
