Video
Read full review
2022-10-25
396 views
SOLO UDON ソロうどん新開Udon 店,聽講烏龍同烏東都係由日本師傅用100% 北海道麵粉新鮮製造, 湯頭同清雞湯做基底再調配出其他款式湯頭. 餐廳門面設計幾新穎吸睛, 而且走一站式全自助式, 所以無service charge. 係門口點餐機選完俾完錢, 揀位坐然後係枱角位置掃一掃單上QR code. 如果坐中間,師傅會直接揭開布簾送遞食物.而最特別係每個座位已經以隔板分開, 所以全部都係獨立空間, 有點似一蘭拉麵, 單獨食都好自在, 而且減少左接觸, 係疫情下在膳亦更安心明太子溫泉蛋冷烏冬 $88可以揀中或大, 分別係250同400gram, 我就選左中size. 幾喜歡呢款冷烏冬, 口感較彈牙有咬口. 上面除左明太子溫泉蛋, 仲有紫菜芝麻等醬油底, 好清爽. 食左部分可以再加wasabi 就更refreshing. 最後可以再加埋枱上有罐香脆天婦羅碎碎, 增添口感. 吉列蝦蝦湯烏冬 $98濃蝦湯底無想像中咁濃, 而且烏冬放熱湯底真係會腍d. 反而吉列蝦唔錯, 熱辣辣炸起但放湯上咁耐都唔會腍, 保持香脆又唔會好油膩明太子芝士春卷 $38炸得香脆, 中間cheese
新開Udon 店,聽講烏龍同烏東都係由日本師傅用100% 北海道麵粉新鮮製造, 湯頭同清雞湯做基底再調配出其他款式湯頭.
餐廳門面設計幾新穎吸睛, 而且走一站式全自助式, 所以無service charge. 係門口點餐機選完俾完錢, 揀位坐然後係枱角位置掃一掃單上QR code. 如果坐中間,師傅會直接揭開布簾送遞食物.而最特別係每個座位已經以隔板分開, 所以全部都係獨立空間, 有點似一蘭拉麵, 單獨食都好自在, 而且減少左接觸, 係疫情下在膳亦更安心
明太子溫泉蛋冷烏冬 $88
可以揀中或大, 分別係250同400gram, 我就選左中size. 幾喜歡呢款冷烏冬, 口感較彈牙有咬口. 上面除左明太子溫泉蛋, 仲有紫菜芝麻等醬油底, 好清爽. 食左部分可以再加wasabi 就更refreshing. 最後可以再加埋枱上有罐香脆天婦羅碎碎, 增添口感.
吉列蝦蝦湯烏冬 $98
濃蝦湯底無想像中咁濃, 而且烏冬放熱湯底真係會腍d. 反而吉列蝦唔錯, 熱辣辣炸起但放湯上咁耐都唔會腍, 保持香脆又唔會好油膩
明太子芝士春卷 $38
炸得香脆, 中間cheese 同明太子味道好夾. 見人哋相會拉絲, 可能我哋食左幾啖烏冬先食已經拉唔到, 所以真係要趁熱辣辣即食
櫻花蝦芫茜餅天婦羅$48
呢款天婦羅都幾特別少見,櫻花蝦同芫茜組合. 芫茜味其實好弱, 炸得好香口脆卜卜, 瀝油做得好咽落都無太多油膩感
半熟安格斯牛肉 $78
燒得半熟都幾香嫩
天婦羅盛盒 $108
包兩隻炸蝦、帶子、茄子、南瓜同青椒等. 帶子外脆內軟, 蝦肉結實. 不過個人覺得無上面兩款炸物咁特別. 定價略貴
Solo Tea 玉山烏龍/炭焙烏龍 $25
飲品有自家出品茶同日式汽水選, 選左兩款佢哋出品冷泡茶都唔錯. 兩款都幾香茶味, 相對後者會較濃郁. 加咗甘草粉, 飲落帶回甘甜
抹茶罐裝牛乳蛋糕 $48
草莓罐裝牛乳蛋糕 $48
除左烏冬, 最吸引我黎就係呢個罐罐蛋糕. 係自家出品. 推薦試草莓, 除左顏值高, 入面層次分明, 蛋糕濕潤, 忌廉幼滑帶奶香. 配埋酸甜草莓balance 甜度幾好食. 抹茶嘅話, 茶味唔算好濃, 略偏甜, 蛋糕同cream 亦無草莓款嘅咁分明
Post
