Video
Read full review
2004-04-23
23 views
朋友想o黎好耐喇, 懷疑係咪只做晚市~ 今晚終於見佢有開, 就同佢o係依度食晚餐啦~ 但點解一個客都無o既?依度係一位日本人開o既, 得佢一個人打理全間舖~ 先講環境先~ 間舖真係好細, 仲好地, d裝修明顯好耐無翻新~ 依家28度, 入到去都無咩冷氣~ 因為無人, 同埋天氣唔算太熱, 否則應該會好焗~牆上面有個set menu, 邊邊寫住營業時間....中午十二時至晚上十時.......我weekday一點左右經過一兩次, 唔見佢有開喎..... 唔通同My Coffee一樣...? 講番食物, set menu上其中一個係"串燒拼盤+燒鰻魚米團+兩個飲品$98", 好平呀~~~ 就叫佢喇~ 飲品我o地要coke light, 但唔夠凍~ 串燒拼盤有:汁燒牛舌x2 - 燒得無問題, 但個sauce太鹹~汁燒鰻魚x2 - 燒得唔夠香, 都係個汁太鹹~汁燒肉丸x3 - ok, 但都係燒香d會好d~鹽燒雞翼x2 - 又係唔夠香~鹽燒雞軟骨x1串- ok~鹽燒雞腎x1串- ok~鹽燒豬頸肉x3 - 再燒香d會好d~鹽燒多春魚x2 - ok~汁燒冬菇x3 - ok, 但都係個sauce太鹹~燒
依度係一位日本人開o既, 得佢一個人打理全間舖~
先講環境先~ 間舖真係好細, 仲好地, d裝修明顯好耐無翻新~ 依家28度, 入到去都無咩冷氣~ 因為無人, 同埋天氣唔算太熱, 否則應該會好焗~
牆上面有個set menu, 邊邊寫住營業時間....中午十二時至晚上十時.......我weekday一點左右經過一兩次, 唔見佢有開喎..... 唔通同My Coffee一樣...?
講番食物, set menu上其中一個係"串燒拼盤+燒鰻魚米團+兩個飲品$98", 好平呀~~~ 就叫佢喇~ 飲品我o地要coke light, 但唔夠凍~ 串燒拼盤有:
汁燒牛舌x2 - 燒得無問題, 但個sauce太鹹~
汁燒鰻魚x2 - 燒得唔夠香, 都係個汁太鹹~
汁燒肉丸x3 - ok, 但都係燒香d會好d~
鹽燒雞翼x2 - 又係唔夠香~
鹽燒雞軟骨x1串- ok~
鹽燒雞腎x1串- ok~
鹽燒豬頸肉x3 - 再燒香d會好d~
鹽燒多春魚x2 - ok~
汁燒冬菇x3 - ok, 但都係個sauce太鹹~
燒鰻魚飯團x2 - 好少鰻魚, 不過個餐咁平, 算喇~唔夠飽, 再side order:
餃子雞翼x1 ($10) - 包得好靚, 連個口都封得好好, 味道仲唔錯o添~ 爽~
燒秋刀魚x1 ($20) - 好大條呀~~ 燒得幾香, 唔錯~ 但食唔慣未經清洗o既魚, 一夾開個肚, d一pat pat o野流晒出o黎, 好核突~
魷魚軟骨燒x1 ($15) - 切晒件, 一上檯, 已經聞到一陣好熟悉但唔應該o係度出現o既味.....蝦醬~~ 係蝦醬醃o左再拎去汁燒, 點解會咁o架......
講真食物只屬一般~
到我o地食完, 都依然係得我o地兩個客, 佢維唔維持到o架....? 唔怪得佢無請人啦.......
Photos:
http://community.webshots.com/album/136557105QOSpXR
Post
