Le Fauchon (Closed)

其實係早２個月既事喇, 當時同男朋友既屋企人去慶祝爸爸節。我同男朋友之前都有去話, 不過就係另一條街既分店。今次叫左2個388既餐, 包2碟鵝肝。我係一個唔鐘意食任何肝臟既人, 所以我本來就唔打算食呢樣野, 不過男朋友同佢家姐都話好好食, 所以我都試左少少。我唔識形容, 不過個味道係好味, 個面係香脆既感覺, 但入面係好滑, 入口即融, 而個汁好好味, 一D都唔似肝臟, 好甘香。可惜我賤骨頭, 食唔慣貴野, 最後都係食左2啖就俾男朋友瓜分左。點知食食下成座大廈停電......結果餐廳請我地食左個鵝肝.....我地就去左第2度食--勁唔好食又貴既地方 。食完之後呢間餐廳既經理就打黎話已經整返好, 叫我地去食個甜品, 有折。我地就返去食左個好好味既心太軟, 同cheese cake....個心太軟真係好香好好味。我地由Le Fauchon開始, 又o係Le Fauchon結束一次咁特別既爸爸節。