Limehouse (Closed)

睇雜誌見到好似好靚咁，就同朋友黎食。第二樣唔講，真係去到門口都已經嘩一聲，去咁多餐廳都無見過咁骨子既味道，好鬼有外國風情，加埋入面班鬼佬客，氣氛一流。坐低叫完野飲就睇餐牌，又嘩一聲，真係簡而精，頭盤主菜甜加埋都唔夠十樣，好彩都揀到野，唔係就真係黎飲野咁。叫左份炸魚薯條同批，似唔似英國呢﹖其實我覺得唔似，不過唔緊要，係好食果種唔似，某程度上絕對好食過係英國求其入一間餐廳既味道，起碼條魚真係新鮮魚，漿夠薄，魚夠嫩，個批既餡都好好，夠香。食物環境都好，就係服務要努力少少，全場得一位男士走黎走去，雖然佢好落力，不過爆起上黎都真係坐一排都無人理。