Video
Read full review
2004-12-24
14 views
我呢行好得意，到年尾假日氣氛就好濃厚，同行的唯一一個工作就係周圍咁去搵人聯誼，所以一日都要走好幾場至得掂。尋日下晝client做東，請了來這裡吃。幾年無來，Verandah 依然高貴，大露檯view雖然唔算太好景，但半島始終是半島，坐在裡面感覺係grand好多，雖然我們是公務在身，但坐在這裡人也閒逸了一點，談話也輕鬆一些。。呢度下晝有三道菜的套餐，商務應酬大家都唔會搞咁多花臣，就人叫咩我叫咩。頭盤三揀一，我見有個刃草蝦仁火腿蜜瓜芒果沙律﹝個名好長！﹞好似幾好，但大隊係去食自助沙律吧，所以唯有照跟。沙律吧都算幾多野食，幾款涷切肉、沙律菜如火箭菜、羅馬生菜、苦白菜及沙律汁，好新鮮，味道不差，加上又不便出去咁多次，所以相比之下，我還是覺得無叫的那個刃草蝦......芒果沙律好一點；主菜四揀一，魚牛雞同齋，四個人中竟然有兩位食齋，我就要了蘑菇白汁燴牛仔胸配寬條麵，我的女同事就要了牛油煎魽魚。我的牛仔胸配fettuccine賣相非常精美，正是唔打得都睇得。牛仔胭肉質還算不錯，蘑菇汁濃滑，亦好有香味，fetuccine好有咬口，配合磨菇汁都不錯；同事佢個牛油煎魽魚都好香，唔錯，我眼見又係唔打得都睇
呢度下晝有三道菜的套餐，商務應酬大家都唔會搞咁多花臣，就人叫咩我叫咩。頭盤三揀一，我見有個刃草蝦仁火腿蜜瓜芒果沙律﹝個名好長！﹞好似幾好，但大隊係去食自助沙律吧，所以唯有照跟。沙律吧都算幾多野食，幾款涷切肉、沙律菜如火箭菜、羅馬生菜、苦白菜及沙律汁，好新鮮，味道不差，加上又不便出去咁多次，所以相比之下，我還是覺得無叫的那個刃草蝦......芒果沙律好一點；
主菜四揀一，魚牛雞同齋，四個人中竟然有兩位食齋，我就要了蘑菇白汁燴牛仔胸配寬條麵，我的女同事就要了牛油煎魽魚。我的牛仔胸配fettuccine賣相非常精美，正是唔打得都睇得。牛仔胭肉質還算不錯，蘑菇汁濃滑，亦好有香味，fetuccine好有咬口，配合磨菇汁都不錯；同事佢個牛油煎魽魚都好香，唔錯，我眼見又係唔打得都睇得的，切得好得靚；
甜品是自助形式，有兩盤生果，分別是士多啤梨及藍莓，有一個蘋果批，一個慕絲蛋糕，一盤mini-cake，坦白講，以半島的盛名來說，陣容是弱了一點點，加上呢幾日都滯滯地，所以吃了些士多啤梨及藍莓就算，都算好新鮮，我同事仲出多一次專士多啤梨添；
最後例牌是杯咖啡或茶，同半島的Petits fours結尾，可惜呢排吃得太多呢類的食品，公司案頭少說也有一大堆，所以都係吃塊曲奇算了。
不用埋單，但都知價，應該係一千找幾蚊。地方典雅，食物唔錯，招呼亦有水準，都值番呢個價錢的。
Post
