Video
Read full review
2021-10-19
73 views
天氣開始轉凍，又係時候食雞煲打邊爐！上網搵咗呢間出名食雞煲嘅餐廳，係太和火車站行10分鐘左右，都算方便。除咗雞煲，餐牌仲有好多其他款式嘅煲。不過今次一心想食雞煲，所以就叫咗花膠雞煲(半隻雞)。同我一樣唔食得辣嘅朋友，可以試吓微辣，有少少麻味同辣味，惹味得嚟又接受到😋• 花膠雞煲(半隻雞) $228半隻雞嘅分量兩個人食啱啱好！而且花膠嘅分量都唔少，大概有6-7塊，每塊都大大塊，絕對足料。雞煲嘅醬汁係有少少甜甜地，好濃郁。雞件索哂醬汁嘅味，而且一啲都唔老～• 八妹拼盤 $82呢個好有驚喜！全部蔬菜都好新鮮～打邊爐除咗食肉，都要食啲菜先得嘅😂• 手切肥牛(小) $208打邊爐必叫嘅肥牛😂今次奢侈少少叫咗手切肥牛，牛味幾濃，而且肥瘦比平時嘅肥牛均勻。• 羊肉卷 $58呢碟羊肉幾抵食～$58份量都幾多。而且估唔到羊肉同雞煲湯底都幾夾😆• 鴛鴦滑 $108左邊白色係墨魚滑，右邊係蝦滑。兩款都好有鮮味！而且就算滾耐咗都keep到好彈牙😋• 三拼(萵筍/准山/蘿蔔)一盤有哂得我打邊爐必叫嘅配料，三樣食材都係越滾越入味，可以吸哂湯底嘅精華😋餐廳嘅飲品選擇都幾多，今次就叫咗杯凍檸柑桔($32)。味道同酸梅
除咗雞煲，餐牌仲有好多其他款式嘅煲。不過今次一心想食雞煲，所以就叫咗花膠雞煲(半隻雞)。同我一樣唔食得辣嘅朋友，可以試吓微辣，有少少麻味同辣味，惹味得嚟又接受到😋
花膠雞煲
8 views
0 likes
0 comments
半隻雞嘅分量兩個人食啱啱好！而且花膠嘅分量都唔少，大概有6-7塊，每塊都大大塊，絕對足料。雞煲嘅醬汁係有少少甜甜地，好濃郁。雞件索哂醬汁嘅味，而且一啲都唔老～
八妹拼盤
3 views
0 likes
0 comments
• 八妹拼盤 $82
呢個好有驚喜！全部蔬菜都好新鮮～打邊爐除咗食肉，都要食啲菜先得嘅😂
• 手切肥牛(小) $208
打邊爐必叫嘅肥牛😂今次奢侈少少叫咗手切肥牛，牛味幾濃，而且肥瘦比平時嘅肥牛均勻。
• 羊肉卷 $58
呢碟羊肉幾抵食～$58份量都幾多。而且估唔到羊肉同雞煲湯底都幾夾😆
鴛鴦滑
5 views
0 likes
0 comments
• 鴛鴦滑 $108
左邊白色係墨魚滑，右邊係蝦滑。兩款都好有鮮味！而且就算滾耐咗都keep到好彈牙😋
• 三拼(萵筍/准山/蘿蔔)
一盤有哂得我打邊爐必叫嘅配料，三樣食材都係越滾越入味，可以吸哂湯底嘅精華😋
凍檸柑桔
6 views
0 likes
0 comments
餐廳嘅飲品選擇都幾多，今次就叫咗杯凍檸柑桔($32)。味道同酸梅湯有啲似，鹹鹹酸酸，入面仲有兩粒話梅😂$32大大杯，啱晒打邊爐飲。
Post
