寶寶雞煲 (Moved) New Location

呢間舖雖然位於太子內街，不過只要响太子港鐵站C2出口行不足5分鐘，一定到。門口大大隻字寫住寶寶雞煲，入到去侍應極好招呼，又介紹點先係最抵食。先來一個雞煲，不但唔老，而且極之入味，辣辣地好醒胃，食哂已經飽咗一半。之後侍應落你之前選擇湯底為打邉爐作準備，我揀了醉雞湯底，一落湯已經飄住藥材香，正！火煱配料不得不試本地手切新鮮牛肉，牛肉味好香，又冇渣，果然一試難忘，半份$108相當大碟。其他配料都自不俗。另外炸魚皮夠脆。打邊爐就唔少得叫啤酒飲，我叫咗杯HOEGAARDEN，大大杯。整體食物質素唔錯，性價比高，侍應老闆又親切，係朋友「圍威喂」好地方。