Video
Read full review
2017-03-28
1720 views
雞煲就食得多, 但噴火既雞煲就得第一次食, 係朋友介紹呢間噴火雞煲, 就即管試試佢。 一坐底, 部長就介紹我地食火焰雞煲套餐, 喂, 係幾抵食, $168一位, 見佢咁平就再加錢加埋個海鮮併盤, 之後我地叫左個奇味雞煲, 部長推介我地加玫瑰露吊味, 話會香D, 但醉翁之意不在酒, 我地既目的就係要睇隻雞噴火, 所以吊唔吊到味唔緊要, 最緊要夠大火。頭盤先黎左個晶瑩剔透既水晶餃暖一暖胃, 之後就到主菜雞煲, 連埋個杯著左火既玫塊露, 一瀉而下, 果然沒有令到我失望, 燒到熊熊聲。 唔知係心理作用定咩，加左玫瑰露既雞，帶小小微辣，又真係幾香，肉質算鮮嫩，但記住較返個火細d, 唔係會好易燶，另外識食既一定會係呢個時候放埋金菇落去，索哂d汁，正呀！品嚐完咁正既雞煲，可以叫侍應加湯轉打邊爐，基本所有野都係任食，除左加錢既海鮮併盤，而最有驚喜莫過於碟肥牛，通常任食都唔預有靚肥牛，但係今次黎既肥牛無雪到硬轟轟，厚簿適中，色澤紅潤，算係中上級的肥牛，啱哂我呢個牛魔王。雖然湯底唔算太濃味，但勝在火煱配料夠新鮮，而海鮮併盤有大大隻生蠔同扇貝等海鮮，都算抵食。 總括黎講，呢餐任食雞煲火鍋係幾抵食，
雞煲就食得多, 但噴火既雞煲就得第一次食, 係朋友介紹呢間噴火雞煲, 就即管試試佢。 一坐底, 部長就介紹我地食火焰雞煲套餐, 喂, 係幾抵食, $168一位, 見佢咁平就再加錢加埋個海鮮併盤, 之後我地叫左個奇味雞煲, 部長推介我地加玫瑰露吊味, 話會香D, 但醉翁之意不在酒, 我地既目的就係要睇隻雞噴火, 所以吊唔吊到味唔緊要, 最緊要夠大火。
頭盤先黎左個晶瑩剔透既水晶餃暖一暖胃, 之後就到主菜雞煲, 連埋個杯著左火既玫塊露, 一瀉而下, 果然沒有令到我失望, 燒到熊熊聲。 唔知係心理作用定咩，加左玫瑰露既雞，帶小小微辣，又真係幾香，肉質算鮮嫩，但記住較返個火細d, 唔係會好易燶，另外識食既一定會係呢個時候放埋金菇落去，索哂d汁，正呀！
品嚐完咁正既雞煲，可以叫侍應加湯轉打邊爐，基本所有野都係任食，除左加錢既海鮮併盤，而最有驚喜莫過於碟肥牛，通常任食都唔預有靚肥牛，但係今次黎既肥牛無雪到硬轟轟，厚簿適中，色澤紅潤，算係中上級的肥牛，啱哂我呢個牛魔王。
雖然湯底唔算太濃味，但勝在火煱配料夠新鮮，而海鮮併盤有大大隻生蠔同扇貝等海鮮，都算抵食。 總括黎講，呢餐任食雞煲火鍋係幾抵食， 火煱配料新鮮 ，汽水任飲，啱哂好似我同朋友兩個人， 一路吹水一路慢慢嘆。Post
