Grill ขนทอง (駱克駅)

Open Now

Now Closed

喺香港好少有好食嘅串燒，多數都係燒到勁黑又乾爭爭，所以我平時都好少食。今次呢間係朋友介紹，喺銅鑼灣C出口對面，所以就決定去試吓今次叫咗幾款串燒同埋兩個套餐，套餐會連埋一杯嘢飲。第一個係泰式串燒雞肉配菠蘿炒飯及雜菜。個套餐跟咗三串泰式雞肉串燒，每嚿雞肉都係大嚿嘅，佢仲配咗一個沙嗲醬，點咗沙嗲醬之後，成個雞肉串都好好食。菠蘿炒飯嘅份量都好多，而且甜甜地，配埋串燒食幾好食。另外我哋都叫咗個泰式去骨海南雞飯真係所有雞肉都去晒骨，連平時其他餐廳唔會去嘅雞翼都去埋骨，所以食落勁方便。而且雞肉肉質好鮮嫩同好滑，同串燒一樣做得都係咁出色。至於串燒方面，我哋分別叫咗一串雞肉、一串豬肉、一串牛肉、一串雞翼同埋一串豬頸肉食套餐裏面嘅雞肉串燒已經覺得好好，點知豬肉同埋牛牛牛肉原來仲好食。值得一提係個雞翼，一串有兩件，每件都大大隻，個雞肉又夠嫩滑。至於咁多款裏面最好食就係豬頸肉肉，一串有四塊，每塊嗰邊都係脆，而且仲有一個好香嘅泰式酸辣醬表面。