Video
Read full review
2023-09-18
651 views
FD介紹咗一間日本餐廳，話雙人套餐好抵食，咁試試。餐廳裝修得幾新潮，牆上D貓幾cute。雙人套餐一齊6course，都幾豐富。蟹籽沙律，配料好豐富，蟹籽蟹柳同青瓜絲，仲落左大量沙律醬，蟹籽脆脆口感勁like。刺身4款，都係當季時令刺身，我最鐘意甜蝦，食落鮮甜肥美仲要幫手剝埋殼，4款真係唔夠食。串燒8串，有5串肉同埋3串蔬菜。根據唔同款式，有鹽烤同日式醬烤。其中燒雞翼最出色，雞皮燒到脆啵啵，內裡曝曬汁水，微微落點鹽已經好好味。素菜裡面，日式番薯香甜軟糯，洋蔥清甜多汁。壽司八件，有海膽，拖羅，左口魚邊等高級貨。左口魚邊油脂好豐富，真係入口即化。海膽多到爆曬出來，一口落去，全部都係海膽，勁鮮甜好味。香蔥拖羅卷一條，一條切成6件，拖羅捲入口即化，加入香蔥，調味更加豐富。甜品兩份，侍應送上來都特登介紹，話佢地兩位老闆背景好勁，一位竟然到咗東京學習日料，之後做到香港一家高級日料總廚，另一位則同米芝蓮2星師傅Masaki Saito學習，哩個抹茶奶凍就係其特色作品。抹茶奶凍食落真係有少少特別，上層濃茶同下層奶凍完全融為一體，真正做到入口即化，有少少驚喜。成個套餐食完真係勁飽，哩間餐廳好有驚喜！
雙人套餐一齊6course，都幾豐富。
蟹籽沙律，配料好豐富，蟹籽蟹柳同青瓜絲，仲落左大量沙律醬，蟹籽脆脆口感勁like。
刺身4款，都係當季時令刺身，我最鐘意甜蝦，食落鮮甜肥美仲要幫手剝埋殼，4款真係唔夠食。
串燒8串，有5串肉同埋3串蔬菜。根據唔同款式，有鹽烤同日式醬烤。其中燒雞翼最出色，雞皮燒到脆啵啵，內裡曝曬汁水，微微落點鹽已經好好味。素菜裡面，日式番薯香甜軟糯，洋蔥清甜多汁。
壽司八件，有海膽，拖羅，左口魚邊等高級貨。左口魚邊油脂好豐富，真係入口即化。海膽多到爆曬出來，一口落去，全部都係海膽，勁鮮甜好味。香蔥拖羅卷一條，一條切成6件，拖羅捲入口即化，加入香蔥，調味更加豐富。
甜品兩份，侍應送上來都特登介紹，話佢地兩位老闆背景好勁，一位竟然到咗東京學習日料，之後做到香港一家高級日料總廚，另一位則同米芝蓮2星師傅Masaki Saito學習，哩個抹茶奶凍就係其特色作品。抹茶奶凍食落真係有少少特別，上層濃茶同下層奶凍完全融為一體，真正做到入口即化，有少少驚喜。
成個套餐食完真係勁飽，哩間餐廳好有驚喜！
Post
