Sedap Malaysian Delights (Closed)

呢到餐廳面積好大，仲有好多正宗星馬菜，例如肉骨茶，椰漿飯，咖央多士等等。但今日就叫左平時較常食既食物。馬來沙嗲雞肉&豬頸肉串沙嗲味道好濃好惹名，雞肉嫩滑，豬頸肉肥瘦均勻，好好食。9/10玻璃魷魚通菜魷魚爽口彈牙，通菜本身無乜味，不過會有大量甜甜地既汁係底，所以絕對夠味。9/10鮮蝦炒粿條有蝦肉，魚片頭，芽菜，蛋花，好夠鑊氣，炒得好香，亦炒得好均勻，好入味。唔錯 8/10怡保咖喱海鮮叻沙海鮮有一隻蝦，蜆，魷魚等等。麵底係油麵加米粉，而湯底我認為太辣了，辣到只有辣味無左其他鮮味，如果多啲鮮味會好啲。 7/10美綠，可能恐龍美綠會好飲啲😂 7/10紅豆珍多冰　原本我以為係珍多冰加左紅豆，原來成杯係紅豆冰加左好多椰汁🥥條。9/10鴛鴦波波分別系係炸榴槤波（熱的）同榴槤糯米糍（凍的），好好味。9/10係中環區黎講，呢到既野食我覺得唔貴，而且有質素，坐得亦好舒服，同埋好乾淨。