甜圓坊

Open Now

Now Closed

紅日下午茶時段來，需要等位。大約等了10分鐘左右，舖頭座位不算多，餐檯都比較細。我地兩個人叫左兩碗蔥油拌麵、一份鹽酥雞、一份玉米芝士蛋餅、一杯珍珠奶茶、可樂蛋餅幾好味，都幾大份兩個人分啱啱好，配d青瓜酸酸地幾開胃。油蔥拌麵睇落去細細兜，但其實好深都幾大碗，一個女仔絕對食唔曬。咸香咸香，非常推薦👍👍鹽酥雞好脆，咸度都啱啱好，而且唔乾非常好食。食到最後原本想加個甜品，但真係食唔落，仲要打包走d麵同鹹酥雞😂😂😂珍珠奶茶意外幾好飲，我覺得好味過某d連鎖珍珠奶茶店。下次一定要黎試下甜品，感覺應該都好好食。