御名軒

Open Now

Now Closed

地址－御名軒天后電氣道22-52號金殿大廈1樓適逢銅記有半年一度大減價的活動，血拼完畢後拖住疲憊的軀殼，同一堆戰利品去酒樓度大快朵頤，好好回顧剛才的盛況。💋冰鎮南非鮑魚，佢係個木盒裡面鋪滿左冰粒，墊住D鮑魚，保證夠凍，做法好有心思又實用，佢應該用豉油加埋芥末製成，味道辣辣地，好開胃，食落都幾彈牙，唔錯。💋京式片皮鴨半隻，佢預先皮好左皮至上碟，但每塊皮面積都唔細，數量又剛好,燒得好脆身，油份都好足，配埋京蔥，青瓜條一齊食，中和返油膩感，幾好。💋大閘蟹，呢個秋涼時份當然係食大閘蟹啦，雖然細細隻，但膏份量都唔講得笑，以呢個SIZE黎講算盡左佢一生的努力了，為左報答佢，我地只好慢慢細味品嚐，蟹膏味道鮮甜好食，配埋醋一齊食，凸顯佢的層次。💋八味豆腐，佢細細粒咁，一口一粒剛剛好，炸得外脆內軟，加埋七味粉係面，所以加埋係八味掛XD，佢份量都好足，如果鐘意飲酒的話，我相信都係一道唔錯的佐酒小食。💋沙巴龍躉(一斤)，條龍躉都好大條下，應該幾足秤的，唔會話蒸得太耐，嚡晒，冇咩細骨，可以放心食用，魚肉都幾滑下，魚味出眾，又有鮮味,。