The Starred

Open Now

Now Closed

最近抵制東大街，所以行遠少少睇吓有咩食。呢個係筲箕灣頭，穿過晒成個街市過埋馬路先見到。呢個年代，仲有$30-40個餐，真係唔敢相信，佢外賣自取仲平，但係因為行返公司路途遙遠，我哋都係選擇坐低堂食。我哋嗌咗個瑞士雞髀餐，配紅米飯， $36有埋嘢飲。真係普通燒味飯都做唔到。😂😂仲要上菜嘅時候超驚喜，個紅米飯係心形堆砌。滷水雞髀軟硬入味，仲配咗一條秋葵同蕃茄仔。最過分嘅係，佢嘢飲，都精緻到不得了，檸檬分開上。😂呢個我係會所先感受過。跟住我哋嗌咗自選扒餐，佢好似all day Breakfast咁，可以揀一個扒一個汁，兩隻烚蛋或者兩隻炒蛋蛋，配麵包或者配薯角。咁樣加埋先係$45😂😂😂餐廳裝修有特色，有古典風，而且乾淨舒適，店員態度超好，呢個真係有下次。