傷心酸辣粉 (西洋菜南街) (Closed)

食飯時間在下午茶時段，永遠都有不錯的選擇，呢日去左傷心酸辣粉，不單止有粉麵食，亦都有好多不同的套餐，價錢又好平😚呢日就點左個好邪惡的食材, 哈哈哈，就係秘製東坡肉飯($28)，呢個價錢加埋杯野飲，真係抵到爆。東坡肉係超肥既，有d肥膩感。套餐可以加錢加小食，見個餐只係$28太平了，所以加多$10點多個小食牙籤雞，雖然加$10，不過份量都唔細舊，都有成5舊雞，唔鞋口，好味👍🏻當點完餐之後，同事來信息問我見唔見抬面有個QR CODE? 我話見到，佢叫我SCAN之後，就有份小食送。我即刻SCAN左之後，原來係送黑木耳。太好了，多一份小食，夾埋都只係$38，真係不得了😍