劉興記生煎包專門店

Open Now

Now Closed

最近發現俊賢坊多左間食生煎包既餐廳，就決定去試下✌🏻我地叫左個招牌生煎包、蟹皇生煎包、上海排骨菜飯、招牌擔擔麵同手工豆沙窩餅😛兩款生煎包都係一咬落去就會爆汁，個皮煎得啱啱好，夠脆✨蟹皇個款都好值得試，佢比起原味更加鮮美，個調味都啱啱好😗然後就係主食😗先講個排骨，佢係即刻炸起，口感外脆肉嫩，鍾意佢個肉質唔會炸到好乾身好鞋😬而個擔擔麵都幾特別，佢用左大量櫻花蝦黎做配料，所以食落會更加香口🙌🏻最後個豆沙窩餅都好好食，甜甜地，唔會好油膩😎整體黎講呢間餐廳性價比好高，一個飯都係四十蚊左右，仲要大份又好食，推介大家去食😬