Video
Read full review
2009-09-16
152 views
慶祝活動停不了，今次輪到屋企人今次黎到鳳城酒家點解會揀呢到呢?只因為我要食佢嘅西米焗布丁無錯，曾經一度傻嘅我只係諗住食一個布丁就走了不過好快我又正常返不如約埋屋企人黎食啦啦啦就係咁，約咗差不多一個月每次回娘家都講一次佢地終於無端端陪我癲因為到出黎個一刻佢地仲為咗我嘅瘋言瘋語單打我呢瘋言瘋語咪就係只係食一個布丁囉哈哈哈哈哈哈哈，笑到肚痛乳豬海蜇妹妹要食乳豬，問服務姐姐細乳豬幾錢服務姐姐話 : 細乳豬唔夠你地食架，你地叫例牌啦咁例牌幾錢呀?佢話$140咁加埋海蜇墊底呢?都係$140呀，你要咪幫你加囉豆豉炒油麥菜問佢點炒油麥菜?服務姐姐都未答，我個腦急轉灣問 : 你有無豆豉鯪魚炒油麥菜呀?服務姐姐答我有黎到都無豆豉鯪魚嘅同埋個啲都唔係豆豉囉服務哥哥話 : 我地都無豆豉鯪魚佢講得好鬼攪笑架咕嚕蝦球一上到枱，個陣酸味直上大腦，攻鼻，攻喉，攻肺搶到要慢慢呼吸，稍為習慣了，就夾一件蝦喇第一口咬落去時，陣酸味搶喉差啲哮喘噫!!!咁似魚嘅?再咬真啲，噫!!!真係魚喎問服務姐姐寫單時，寫魚定蝦服務姐姐話寫蝦喎再咬多次睇下啲紋噫!!!係蝦喎咁點解我食第一,二次嘅時候感覺係魚呢?唔通陣味酸到混淆咗?問媽咪點解
今次黎到鳳城酒家
點解會揀呢到呢?
只因為我要食佢嘅西米焗布丁
無錯，曾經一度傻嘅我
只係諗住食一個布丁就走了
不過好快我又正常返
不如約埋屋企人黎食啦啦啦
就係咁，約咗差不多一個月
每次回娘家都講一次
佢地終於無端端陪我癲
因為到出黎個一刻
佢地仲為咗我嘅瘋言瘋語單打我呢
瘋言瘋語咪就係只係食一個布丁囉
哈哈哈哈哈哈哈，笑到肚痛
乳豬海蜇
妹妹要食乳豬，問服務姐姐細乳豬幾錢
服務姐姐話 : 細乳豬唔夠你地食架，你地叫例牌啦
咁例牌幾錢呀?
佢話$140
咁加埋海蜇墊底呢?
都係$140呀，你要咪幫你加囉
豆豉炒油麥菜
問佢點炒油麥菜?
服務姐姐都未答，我個腦急轉灣問 : 你有無豆豉鯪魚炒油麥菜呀?
服務姐姐答我有
黎到都無豆豉鯪魚嘅
同埋個啲都唔係豆豉囉
服務哥哥話 : 我地都無豆豉鯪魚
佢講得好鬼攪笑架
咕嚕蝦球
一上到枱，個陣酸味直上大腦，攻鼻，攻喉，攻肺
搶到要慢慢呼吸，稍為習慣了，就夾一件蝦喇
第一口咬落去時，陣酸味搶喉差啲哮喘
噫!!!咁似魚嘅?
再咬真啲，噫!!!真係魚喎
問服務姐姐寫單時，寫魚定蝦
服務姐姐話寫蝦喎
再咬多次睇下啲紋
噫!!!係蝦喎
咁點解我食第一,二次嘅時候感覺係魚呢?
唔通陣味酸到混淆咗?
問媽咪點解會咁酸嘅?
媽咪話 : 佢落咗好多白醋喇
噢!!!粉漿又太厚
平時我空口食檸檬都唔覺得酸呢，呢個no good
預訂嘅菜式仲有炸蟹鉗
我訂咗6隻係因為有6個人
但最後賴仔同餅餅都黎唔到
所以得返4個人
好多蟹肉，不過味道偏淡，外層係脆口架
粟米魚肚羹
妹妹指定要飲，最錫係佢，佢要咩我都比佢，除咗條命
幫我地分羹嘅服務姐姐，分到剩返一半時
我叫佢停，佢即刻停咗係到
哈哈，嚇親服務姐姐添
勁多魚肚，真係好多好多
羹夠杰身，唔會稀稀的
呢個好飲
媽咪叫咗個桂花魚炒唔知咩
因為係見到隔離枱食梗，所以我地又叫
呢個菜，真係好有心機
先起肉，再係每一塊肉中間釀咗一啲松子仁，再加其他配料再炒
好食，我唔食魚，都食咗兩件，不過腥咗啲
炸粉果
我無食到，媽咪爹地妹妹一至覺得好難食
炸子雞
皮脆肉嫩，無嘢講，清晒
主角出場喇
西米焗布丁
媽咪以前成日整比我食架
不過而家唔整喇
服務姐姐問我地要唔要糖水
媽咪一聽到係綠豆沙，即刻話要吖
我就問，有無落臭草架?
服務姐姐話有呀
咁我要多碗吖
爹地痛風唔食得豆
妹妹食涼嘢就會發燒
呢餐我地基本上食得好滿意
服務姐姐梗係跟足我地成餐飯
又講得笑，又無嫌我地煩
服務哥哥雖然唔係跟足我地全場
但佢都好好呀，我地咁煩佢都無黑面已經好難得喇
4個人食咗一千一百幾
相關網誌 : http://hk.myblog.yahoo.com/jessicalim1112/article?mid=6784
Post
