老爺點心 (Closed)

之前响老爺食過炭裡香，一試難忘！今次見到團購有優惠，一於要黎再食。我地2個人選擇左$568既「晚上老爺請食飯」（set dinner). 有點心、老火湯、燒烤和飯麵，樣樣都試到，好開心！4款點心選擇左炭裡香、和牛酥、叉燒包和鮮蝦時菜餃。炭裡香仍然好好味，舊炭係炸排骨，又香又脆，食唔停口！和牛酥都好出色，連一向唔食牛肉既我都覺得好味！4款燒烤選擇左老虎蝦、栗米、黑毛豬和魔鬼魚干。我覺得燒烤就一般，唔太特別。飯麵就選擇左章魚肉餅飯和老爺風味雞飯。蒸飯味道好，章魚味濃，而雞亦好滑。除左個餐，加左個菜和兩杯凍奶茶。原本想飲熱奶茶，但因為過左last order而冇得飲。後來侍應話凍奶茶係預先沖好再雪凍，所以有凍奶茶提供。既然係金牌奶茶，凍既都要試試啦！味道果然係好，好地道港式奶茶，不過我始終鍾意飲熱奶茶多D! 整體來說，我和朋友對餐飯好滿意！環境好，坐得舒服，食物好，服務好，絕對係朋友食飯傾計既好地方！