阿啡

Open Now

Now Closed

今日同朋友一齊去一間日式文青咖啡店打卡，見你間舖頭咖啡幾出名，同埋啱晒我哋鍾意去啲靜靜地嘅地方，享受吓嘆吓一杯咖啡，好寫意。我叫咗一杯黑芝麻燕麥奶🩷🩷🩷🩷🩷佢呢杯黑芝麻味燕麥奶，估唔到都幾夾，因為我嗰日飲唔到咖啡，所以就試吓呢杯。出奇地又幾好飲，而且佢芝麻味都幾出，好夠香，佢個燕麥奶都好好飲👍🏻我朋友叫咗杯flat white 🩷🩷🩷🩷🩷我朋友話佢嗰杯咖啡豆味勁香😂一上枱我同佢已經聞到，而且飲落有少少堅果嘅香味🤩同埋佢苦得來又夠回甘。佢話係佢鍾意嘅咖啡口味。👍🏻👍🏻我聽聞呢間bagel都比較出名，我就叫咗一個伯爵茶無花果乳酪味🩷🩷🩷🩷🩷出奇四佢個無花果同伯爵味都幾夾，加埋乳酪味甜甜酸酸好開胃。同埋可能佢即叫即整熱，可以食到熱辣辣嘅bagel，真係好食好多。因為有啲肚餓嘅關係，我再叫多咗一個香蕉核桃蛋糕🩷🩷🩷🩷🩷。呢個我覺得真係好好食，雖然佢個賣相平平無奇，但係食落香蕉味好濃，而且配埋啲合桃粒粒幾有咬口👍🏻整體嚟講呢間Cafe相當有驚喜😍，唔單止嘢飲好飲，啲嘢食都真係有驚喜。我見都好多附近嘅員工落嚟買咖啡。我想言之佢間舖頭嘅咖啡都keep到一定水準，有機會再嚟試吓其他bagel同咖啡。五