Video
Read full review
2018-12-10
234 views
12月7日星期五 雨辛苦左甘耐，終於考完試，考完試當然要食翻餐好架啦，我一路都中意食omakase，所以未考試之前已經一路睇緊考完試去試邊間好，之前無意睇食評，睇到武館好似都唔錯，而且係香港嘅omakase黎講，佢嘅款式真係最多，有成廿七味菜甘多，我真係冇見過香港omakase有甘多菜式架，好，一於就試下啦天公不做美，但我甘為食，係完全影響唔到我享受美食嘅決心，一入到武館坐低，感覺真係好似去左日本嘅高級食府一樣，地方整齊企理，充滿和風得黎又帶點深夜食堂嘅風味，此時主廚武師傅已經磨拳擦掌地為我地今晚八位客人準備食材了，之後武嫂就細心地幫我倒茶，之後就推介可以叫杯酒飲下喎，我見今日甘開心，好，就叫杯梅酒飲下簡單而整齊嘅擺位好，Show time1)首先送上枝豆，作一個清新嘅開始，好甜呀2)汁煮烏魚白子，咬落去軟林林嘅，然後就係濃香嘅魚味，配上酸酸地嘅醬汁，好match3)白象貝清湯，湯甜得黎充斥住貝味，而且加左白象貝嘅内貝肉同埋肝，前者爽甜，後者口感似鵝肝，但就係貝味嘅鵝肝，兩種唔同嘅態度，一流刺身:4)富山白蝦配紫蘇粉，好細隻矜貴嘅白蝦，經人手逐隻拆肉，絕對系心機菜，我係逐隻食嘅，嘩，比
辛苦左甘耐，終於考完試，考完試當然要食翻餐好架啦，我一路都中意食omakase，所以未考試之前已經一路睇緊考完試去試邊間好，之前無意睇食評，睇到武館好似都唔錯，而且係香港嘅omakase黎講，佢嘅款式真係最多，有成廿七味菜甘多，我真係冇見過香港omakase有甘多菜式架，好，一於就試下啦
天公不做美，但我甘為食，係完全影響唔到我享受美食嘅決心，一入到武館坐低，感覺真係好似去左日本嘅高級食府一樣，地方整齊企理，充滿和風得黎又帶點深夜食堂嘅風味，此時主廚武師傅已經磨拳擦掌地為我地今晚八位客人準備食材了，之後武嫂就細心地幫我倒茶，之後就推介可以叫杯酒飲下喎，我見今日甘開心，好，就叫杯梅酒飲下
簡單而整齊嘅擺位
好，Show time
1)首先送上枝豆，作一個清新嘅開始，好甜呀
2)汁煮烏魚白子，咬落去軟林林嘅，然後就係濃香嘅魚味，配上酸酸地嘅醬汁，好match
3)白象貝清湯，湯甜得黎充斥住貝味，而且加左白象貝嘅内貝肉同埋肝，前者爽甜，後者口感似鵝肝，但就係貝味嘅鵝肝，兩種唔同嘅態度，一流
刺身:
4)富山白蝦配紫蘇粉，好細隻矜貴嘅白蝦，經人手逐隻拆肉，絕對系心機菜，我係逐隻食嘅，嘩，比平時我地食嘅甜蝦要甜一百倍，而且黏性很強，配上紫蘇粉嘅咸香，好食到停唔到口
5)岩鹽炙燒白烏賊，魷魚比一般充膠質，而且味道更鮮，加D岩鹽燒，形成提鮮作用，Good
6)金目鯛，只能用鮮美去形容，而且富有層次感，細啖咬，仔細地你會發現每個位都唔同味，加上面層嘅魚皮，好有咬口
7)深海池魚，用昆布淹過，一樣有層次感，而且加上昆布嘅咸香，配撘得好
8)石桓貝，我一直好想試，終於有機會喇，武師傅達一下佢令肌肉收縮，先上比我地，果然冇失望，貝肉爽脆，味道好似鳥貝mix少少象拔蚌嘅味，但就比鳥貝更鮮甜，而且有啖啖嘅海水味，忘不了你
9)火炙梭子魚，燒一燒令魚皮，好香口，都係比較淡味嘅魚，所以加左岩鹽燒，吊起魚嘅鮮味，Good
10)金線鯛，用昆布淹過，口感爽口有咬口，加上鮮甜嘅魚味仲有昆布嘅咸香，一流
11)白象貝，一樣達一達先上枱，口感較石桓貝軟身，但一樣出色，鮮甜嘅味道，同啱啱係湯嘅白象貝又係兩種食法
12)拖羅大葉卷，一流嘅作品，拖羅冇筋，入口即溶，而且油脂豐富，有D唔捨得吞落肚，配上帶D薄荷香嘅大葉黎中和，正呀
13)蜜柑鯛，充滿果香嘅蜜柑鯛，好味係一定嘅，甜甜嘅魚味配上柑桔嘅幽香，一流
14)牡丹蝦，我嘅超愛，果然冇失望，蝦肉係我食嘅最好味，鮮甜厚肉，而且膠質好重，口感豐脥，蝦頭嘅膏甘香濃旭，而且完全冇異味，這味道係天上有，同放題根本冇得比，100分
15)秋刀配其肝醬，我好少食秋刀魚刺身，配上肝醬食就完全冇試過，秋刀魚味好濃，而且餘韻好長，配上秋刀嘅肝醬，來一個首尾呼應，另一人間美食，好味到我連少少肝醬都唔放過
16)海參小缽，食完刺身，就有佢黎間下場，佢完全顛倒左我對海參嘅印象，我估佢會軟林林，點知原來系爽脆，咬落去似八爪魚，再加上酸酸嘅汁，好得意
此時，武師傅同我地干杯，大家飲杯，呢種感覺真係好warm，好似係一個family，大家一齊食飯，之後飲杯，我未試過食omakase有甘warm嘅感覺，彷彿真係係辛苦工作過後，將壓力釋放出黎，之後我同武師傅同武嫂都打開話題，大家傾下對食材嘅研究，傾下生活，真係一個愉快嘅時光，我感覺到武館除左食野之外，仲包含住濃濃嘅人情味，呢個係我去其它omakase餐廳食飯比唔到我嘅，有D人話武師傅好cool，但我覺得佢只係外冷内熱，大家未熟嘅時候，佢係比較少講野，但主動D同佢傾計，其實佢個人好nice架，而且佢係好warm嘅
重頭戲壽司環節開始
17)漬物，開始前，武嫂比左漬物我地，武館真係一間好認真嘅餐廳，連漬物也一絲不苟，有牛蒡，淮山，蒜子配木魚，牛蒡爽脆，淮山有咬口，而且滑滑的，食得出係新鮮嘅，蒜子香口，好味
18)帆立貝壽司，好厚肉，帶子味比元X果D濃好多，而且好鮮味
19)迷你海膽杯，花名為富貴杯，真係好富貴架，有筋子，海膽，海葡萄，Yes，我最愛海膽，所以我有福喇，完全冇失望，海膽口感豐脥，鮮甜而且帶點海水嘅餘韻，一流，海葡萄咸咸香香嘅，幾特別，筋子食得出係用sake浸過嘅，帶出咸香，配上淡淡嘅酒香，好幸福呀
20)喜知次壽司，配上喜知次肝，入口鮮甜，淡淡嘅魚鮮，配上肝醬，來一個首尾呼應
21)吞拿面珠壽司，吞拿稀有部位，100kg以上嘅吞拿魚先有架，只有兩片，輕輕燒一下，令筋位微微溶化，好有咬口，而且魚味唔輸比拖羅，正
22)鯖魚箱押壽司，濃濃嘅鯖魚味，Good
23)醬油漬大拖羅壽司，經過熟成，比之前嘅拖羅大葉卷味更濃，濃濃嘅魚油香，配上醬油嘅咸香，味道富層次
24)鮟康魚肝，有海中鵝肝之稱，入口唔輸比鵝肝，油香濃旭，濃濃嘅魚香配上酸酸嘅汁，而且暖暖的，正
25)秋刀大葉卷，秋刀濃香，配上清新嘅大葉，中和之後，真係好夾
26)魚湯烏冬，黎到尾聲，將今晚食過所有魚骨煲湯，魚湯入口好重魚味，鮮到冇朋友，最重要係，完全冇口渴嘅感覺，配上滑滑烏冬，我真係冇食過甘好食嘅湯烏冬，perfect
27)果物，有温室蜜瓜同士多啤梨，兩者都好甜，黎一個happy ending
埋單計埋加一，呢餐食左千七有多，係真係幾貴，但係絕對值得，有D朋友笑我，千七蚊不如食自助餐，我嘅諗法係，呢餐係重質不重量，因為你食到全部嘅食材都係最好嘅，高級之餘你會學到食材嘅知識，仲可以見識到你未見識過嘅野，呢D係食自助餐比唔到你嘅，而且最重要嘅係充滿一份濃濃嘅人情味，大家一邊食，一邊傾計，好似一個family甘，呢樣係冇一間食過嘅餐廳比到我嘅，呢個就係武館嘅可貴之處
臨走嘅時候，最開心嘅係武師傅兩公婆同埋其它食客，一齊鼓勵我讀書同工作加油，呢份暖心嘅感覺，令我呢一世都唔會忘記，多謝呢晚所有陪伴我嘅人，一間甘好嘅餐廳，我當然會回頭啦，以後我最少每季都黎一次，所以依家開始就要努力儲錢，下次再黎
Post
