Video
Read full review
2022-08-26
111 views
好有儀式感嘅一間鐵板燒😍師傅每個菜都用心製作，除咗用料上乘，調味都配得好好，就連擺盤都好有心思，食得開心睇得仲開心。我哋揀咗日本產和牛象拔蚌二人餐，$2680首先會上沙律同前菜，沙律加入秋葵同藜麥、酸酸甜甜嘅醬汁，好開胃。前菜會因季節而改變，當晚食嘅係酒煮鮑魚，酒味都幾重，好味。汁煮白鱈魚 師傅會特登分開塊魚皮，原本以為佢會丟咗佢，點知原來除咗食之外，仲可以用嚟擺盤㗎，好有心機好靚。我哋先食魚皮，好似炸魚皮咁勁香脆，魚肉則好滑口感好細膩，配上加入大量洋蔥嘅日本魚汁，甜甜哋，好味之餘仲冇咁油膩。日本象拔蚌--水松貝 好少食日本嘅象拔蚌，原來都咁好味。象拔蚌淨係加少少牛油，師傳整十零秒，加入少少檸檬汁，就食得啦。首先試原味先，蚌肉好新鮮好彈牙，口感好好。之後就可以試吓濃味少少嘅Wasabi醬，好惹味。我見同枱嘅其他客大部分都揀咗龍蝦餐，大家望住我哋嘅蚌好似好有興趣咁🤣季節料理--蒜蓉炒日本白花菇，呢個菜又係會跟季節轉嘅，嗰晚我哋就食到大大隻嘅日本花菇，菇整得好冧好入味，加入蒜蓉，增加香味。熊本県產A+和王牛呢個唔係普通和牛，係和王牛，極品中嘅極品🤣師傅燒嘅時候淨係加咗少少鹽同胡椒，我哋先試
我哋揀咗日本產和牛象拔蚌二人餐，$2680
首先會上沙律同前菜，沙律加入秋葵同藜麥、酸酸甜甜嘅醬汁，好開胃。前菜會因季節而改變，當晚食嘅係酒煮鮑魚，酒味都幾重，好味。
汁煮白鱈魚
師傅會特登分開塊魚皮，原本以為佢會丟咗佢，點知原來除咗食之外，仲可以用嚟擺盤㗎，好有心機好靚。我哋先食魚皮，好似炸魚皮咁勁香脆，魚肉則好滑口感好細膩，配上加入大量洋蔥嘅日本魚汁，甜甜哋，好味之餘仲冇咁油膩。
日本象拔蚌--水松貝
好少食日本嘅象拔蚌，原來都咁好味。象拔蚌淨係加少少牛油，師傳整十零秒，加入少少檸檬汁，就食得啦。首先試原味先，蚌肉好新鮮好彈牙，口感好好。之後就可以試吓濃味少少嘅Wasabi醬，好惹味。我見同枱嘅其他客大部分都揀咗龍蝦餐，大家望住我哋嘅蚌好似好有興趣咁🤣
季節料理--蒜蓉炒日本白花菇，呢個菜又係會跟季節轉嘅，嗰晚我哋就食到大大隻嘅日本花菇，菇整得好冧好入味，加入蒜蓉，增加香味。
熊本県產A+和王牛
呢個唔係普通和牛，係和王牛，極品中嘅極品🤣師傅燒嘅時候淨係加咗少少鹽同胡椒，我哋先試咗一舊原味，果然係高級和牛，入口即溶，油脂十足，好香。之後就加少少wasabi，上面加蔥片，再加酸汁 ，可以平衡返個油膩感覺。仲有一種食法，就係加西式啲嘅車厘子汁，甜甜哋，好好味。最後食埋日本甜番薯同羽衣甘藍，正。
最後係炒飯，師傅炒得好香，一啲都唔油膩，而且唔會好重味，食完一碗都唔會覺得滯，如果可以嘅話，想嚟多碗🤣同時會上埋碗湯，蘑菇雞湯，湯又係煮得好鮮又一啲都唔油。
鐵板部分上完啦，最後有四款甜品選擇，分別有柚子雪芭、抹茶雪糕、豆腐雪糕同埋蜜瓜，我揀咗柚子雪芭，酸酸甜甜好好味，朋友就揀咗日本蜜瓜，當然係勁甜啦。
好滿足嘅一餐飯結束啦，不過我哋睇到隔離有幾枱食緊omakase好似都好吸引，下次會再嚟試埋🤩今次結束咗，下次再見🤣
Post
