Video
Read full review
2022-04-08
158 views
我哋好少去樓上Cafe，不過今次經朋友介紹我哋話呢間餐廳性價比好高，特別係意粉，咁我哋更係試一試！慢煮安格斯封門柳溫泉蛋扁意粉 ($128)：扁意粉煮得剛剛好，好al dente！ (ed小分享：意大利文，形容pasta嘅口感，即係有咬口，唔會過硬或淋身) 蒜頭、橄欖油和香草去滋潤每一條意粉，再加上日本溫泉蛋嘅加持，成件事都好滑溜，好好食！慢煮嘅安格斯封門柳，口感一啲都唔韌和嚡，好淋身 (ed小分享：封門柳，英文是Hanger Steak，係橫膈膜的肌肉，肉質鬆軟，不易韌，而且牛肉味極為濃郁，不過呢個位臊味會相對濃烈，所以好考大廚處理嘅功力) 灼燒北海道帶子刺身蒜香原條明太子扁意粉 ($116)：意粉嘅質素同上面一樣，唔累贅啦。帶子和明太子都係刺身級別，好新鮮惹味🤤 帶子唔會煎得過老，外脆內軟！將原條明太子撈埋意粉一齊食，充滿鹹香，又彈牙，正！呢個真心推介，我哋覺得呢個比封門柳溫泉蛋扁意粉更為出色！手沖咖啡 ($78)：幫襯得coffee shop，點可以唔試埋佢哋個手沖咖啡！我哋今次試咗哥斯達黎加出產，淺度烘焙嘅咖啡豆！飲手沖咖啡，都好考驗店員對咖啡嘅認識和了解，並基於客人嘅要求作出
慢煮安格斯封門柳溫泉蛋扁意粉 ($128)：扁意粉煮得剛剛好，好al dente！ (ed小分享：意大利文，形容pasta嘅口感，即係有咬口，唔會過硬或淋身) 蒜頭、橄欖油和香草去滋潤每一條意粉，再加上日本溫泉蛋嘅加持，成件事都好滑溜，好好食！慢煮嘅安格斯封門柳，口感一啲都唔韌和嚡，好淋身 (ed小分享：封門柳，英文是Hanger Steak，係橫膈膜的肌肉，肉質鬆軟，不易韌，而且牛肉味極為濃郁，不過呢個位臊味會相對濃烈，所以好考大廚處理嘅功力)
灼燒北海道帶子刺身蒜香原條明太子扁意粉 ($116)：意粉嘅質素同上面一樣，唔累贅啦。帶子和明太子都係刺身級別，好新鮮惹味🤤 帶子唔會煎得過老，外脆內軟！將原條明太子撈埋意粉一齊食，充滿鹹香，又彈牙，正！呢個真心推介，我哋覺得呢個比封門柳溫泉蛋扁意粉更為出色！
手沖咖啡 ($78)：幫襯得coffee shop，點可以唔試埋佢哋個手沖咖啡！我哋今次試咗哥斯達黎加出產，淺度烘焙嘅咖啡豆！飲手沖咖啡，都好考驗店員對咖啡嘅認識和了解，並基於客人嘅要求作出適當嘅推薦，就好似品酒咁！以我哋呢隻為例，主打花香、水仙、茉莉花、蜜糖並帶有少少焦糖和以酸梅作為收結，light body，好舒服😌
總結，食得出呢間餐廳嘅老闆好有心去做意粉和coffee shop，不過礙於店面比較細，星期六日想去嘅話最好12點左右就去，否則都要排隊！有興趣嘅朋友去試一試，支持下！
Post
