幸圓

Open Now

Now Closed

女朋友話紀念日到咗，想食比較有觀賞性嘅餐廳，佢就可以打扮靚靚去打卡。聽講鰂魚涌嗰邊有間性價比超高，又有觀賞性嘅餐廳，幸圓，就帶女朋友去嗰邊慶祝紀念日赤蝦他他·魚子醬·蝦汁意大利粉鍾意食蝦又鍾意食意粉嘅朋友真心推介呢個！赤蝦已經好新鮮，意粉嘅醬汁係用蝦汁調味，濃濃嘅蝦味同粒粒分明嘅魚子醬喺口入面爆發，完美嘅搭配！燒酒糟鮑魚鮑魚個頭好大，仲有濃濃嘅酒香味，鮑魚仲好有韌性，鮮美彈牙！大葉醬魚生他他各種新鮮嘅魚生同烤得香脆嘅多士一齊食，一啖咬落去可以感受到刺身嘅嫩滑同埋多士又酥又脆嘅完美搭配，好好味！魚蝦蟹好多士魚肉、蟹肉同蝦肉滿滿咁鋪喺厚切多士上面，又鮮、又嫩，厚切多士又軟，成個口感好豐富！脆皮半熟鴨胸配奶油胡椒汁燒到半熟嘅鴨胸肉保持住鮮嫩多汁嘅口感，外皮香脆，淨係咁食已經好好味，再配埋奶油土豆泥同胡椒汁，真係食到我哋意猶未盡！