金恒香海鮮酒家燒鵝專門店 (Closed)

新正頭去大埔親戚拜年，一定會揀呢間樓下街坊酒樓飲茶，除咗貪佢方便就腳，其次就係好有新年氣氛，我哋兩張大枱一坐低，嘢食都未叫就見到粉紅獅子吖即刻醒佢十封八封利是，佢都好識做咁幫我地影相。連點心紙都懷舊風的賀年點心見到個樣都覺得夠神氣。新年點心好似冇乜點加價，但係就要等好耐，因為差唔多全場爆滿，我都係等左差唔多30分鐘先有點心，但係一班人圍住坐傾吓計好快就過。腸粉入口夠晒香滑，仲有我最鍾意嘅潮州粉果～好味。帶子餃不錯仲有就係新年必食嘅燒腩仔。帶子海鮮炒飯同埋雪菜肉絲炆米，普通簡單，味道正路冇得輸，入口熱辣辣。