鍋爐

Open Now

Now Closed

我幾鍾意搵中環上少少嘅餐廳，貪呢度嘅餐廳環境通常都chill得嚟又有水準，呢家都唔例外。先嚟試下佢哋七味魚翅，出面好多都係雞泡魚乾，呢間可以試下d特別嘢😝無骨，魚味好濃，煙煙韌韌，餸酒一流！蔥油燒牛舌牛舌一上枱有驚喜，因為估唔到咁厚身，調味啱啱好，仲可以食到牛味。加上厚身，燒完出嚟都係咁嫩，必食！西班牙五花腩五花腩嚟講偏瘦，肥膏唔算多，反而西班牙豬味好濃，唔係急凍貨可比，燒完出嚟好香口。蒜片牛肋肉，一口牛牛肉無燒到鞋，味道正常有牛肉味。蘭王蛋煙三文魚燒飯團好香好足料，配埋紫菜絲食唔停最後講下兩樣蔬菜蒜芯好少地方有，今次試下，燒到少少焦，中間嫩，口感幾好；秋葵燒得幾好，細細條無渣，呢個推介，燒得好好食！最後想講下佢哋嘅串燒唔算好咸，問一問原來佢地專登簡左樣無咁咸嘅鹽做調味，所以可以食到原味道，呢個小心機幾抵讚。推介畀大家嚟試下！