平成 (Closed)

好耐冇去過棉登徑，今日同朋友收早經過這間居酒屋，感覺十分親切，可能太掛住日本了，梗係要入去試下啦！店內地方不算太大，裝修佈置都幾有特色，由於時間尚早，我哋就叫了一支清酒及一些日式地道 食物。這款清酒容易入口，感覺柔和及易飲，而且微酸香氣以及果香味馥郁。呢度都幾講究，店員準備了一盒清酒杯畀我哋選擇，店員巳準備冰凍清酒器皿盛上，入口透心涼！木魚紫菜蛋黃醬放在大阪燒上面，牛肉唔會太老 ，入口鬆化， 大阪燒煎得十分香脆。醃後仍保留鮮味，不會過鹹，入口爽口，用嚟送 清酒就最啱！清淡嘅豆腐配上木魚醬油加少少薑味，入口又幾清新。麻雀雖小，五臟俱全！芝士、蟹肉同埋蟹膏填滿成個松葉蟹蓋，食落口不但唔會太膩，反而食出有唔同層次嘅味道！芝士味十分濃郁，芝士迷必然首選，加上面頭放咗細細嘅蔥花，上枱熱辣辣，要小心辣親。