Video
Read full review
2015-08-21
663 views
約左三位在TST開工既朋友晚餐黎食下呢間位於ASHLEY RD 既川菜, 川熙樓, 其實呢條街好多哂吧, 但如果吾特登細心睇, 係估吾到OFFICE 大廈上面會有間甘有特色既中菜點菜時可以飲住麥茶。入面既陳設幾有中國FEEL, 都係用木枱為主, 大廳大慨可坐到40人, 亦有一張可以坐到10人既圓枱, 可能係番工區既關係, 反而平日夜晚不會太多人,所以我地都不用等位.彩色餐牌都幾靚, 好多食物都會附埋圖片等客人比較易想像再點菜.首先我地點左三個前菜,椒麻鹽水蝦: 蝦肉彈牙新鮮, 上面有少辣既辣椒粒芇味, 亦有好香既麻同鹽香味, 下面有青瓜底, 味道清新,小食佳品蒜泥白肉: 呢味白肉係比較少脂肪有咬口, 將長片既白肉卷埋上面點蒜泥醬, 比較細心既係佢入面會卷埋一小塊青瓜串和番油味, 吾錯藍莓山藥: 呢味第一次試, 山藥好多中菜都有通常配以芝麻醬, 但原來聽番老板娘WINNIE 講, 四川人原來一路以來都會用藍莓醬, 用來中和四川食物的濃味, 的確, 如果齋食呢味山藥, 我會覺得口感一般, 但食完白肉, 再食山藥, 就會覺得冇甘油膩, 所以呢味小食要配合其它菜食先會突顯出佢既味道.日本麒麟啤
約左三位在TST開工既朋友晚餐黎食下呢間位於ASHLEY RD 既川菜, 川熙樓, 其實呢條街好多哂吧, 但如果吾特登細心睇, 係估吾到OFFICE 大廈上面會有間甘有特色既中菜
點菜時可以飲住麥茶。
入面既陳設幾有中國FEEL, 都係用木枱為主, 大廳大慨可坐到40人, 亦有一張可以坐到10人既圓枱, 可能係番工區既關係, 反而平日夜晚不會太多人,所以我地都不用等位.彩色餐牌都幾靚, 好多食物都會附埋圖片等客人比較易想像再點菜.
首先我地點左三個前菜,椒麻鹽水蝦: 蝦肉彈牙新鮮, 上面有少辣既辣椒粒芇味, 亦有好香既麻同鹽香味, 下面有青瓜底, 味道清新,小食佳品
蒜泥白肉: 呢味白肉係比較少脂肪有咬口, 將長片既白肉卷埋上面點蒜泥醬, 比較細心既係佢入面會卷埋一小塊青瓜串和番油味, 吾錯
藍莓山藥: 呢味第一次試, 山藥好多中菜都有通常配以芝麻醬, 但原來聽番老板娘WINNIE 講, 四川人原來一路以來都會用藍莓醬, 用來中和四川食物的濃味, 的確, 如果齋食呢味山藥, 我會覺得口感一般, 但食完白肉, 再食山藥, 就會覺得冇甘油膩, 所以呢味小食要配合其它菜食先會突顯出佢既味道.
日本麒麟啤， 個杯幾得意有花紋
樂山甜皮鴨: 呢味係傳統樂山鴨既整法, 由於用醬料炸過既關係, 所以鴨肉好脆, 亦有少少咸香味, 值得讚賞係鴨肉又不會炸得UN, 仍保留少少肉既彈性, 而鸭皮上面亦配上類似蜜糖加焦糖既醬料, 咸既鴨肉同甜醬配合得恰到好處.
三椒雞: 用紅椒,青椒, 胡椒, 加埋洋葱,槐皮等材料炒成既雞肉, 雞肉夠滑而且三椒亦好夠多亦夠味, 所以每件雞食落去充滿住椒既香味, 而我八掛問番來, 四川既傳統辣野, 通常會以牛油做底, 令辣椒既醬汁可以同肉類容易混和,令到肉質更吸味, 而呢間食店既辣菜亦有用牛油, 所以肉類吃落特別多汁同香. 順帶一提, 除左雞, 其實佢既三椒同洋葱要黎撈飯係好正.!
四川菜其實吾係全部都好辣同好重口味(真正好辣嗰類其實係重慶菜), 除左甜皮鴨外, 呢味鮮湯浸翡翠苖亦都係必點之選 , 苖好新鮮而且爽口, 雞湯十分甜可以當湯飲, 而且上面配以雞粒同蘿白粒, 食落十分暖和有飽滿既感覺.
水煮黑豚肉, 黑豚肉夠入味, 脂肪含量比較高, 入面有薯粉, 同咪好多吾同類既辣椒, 薯粉比較平身似河粉幾得意. 湯汁比想中菜清同咪不是太辣.
冷鍋魚: 其實即係水煮魚, 聽番STAFF講呢個吾係用大魚，鑑於大魚多骨，而且識食有骨既魚既人越黎越少，所以呢間食店以龍利柳黎整， 十分滑得黎亦都落足料，再以辣椒胡椒等僻左Ｄ雪味， 所以食落去都感覺吾到佢係雪藏魚，除左重口味過水煮黑豚肉外，冷鍋魚亦有落多左芽菜同薯粉。 呢味冷鍋魚亦都係吾錯既一味餸。！
最後點左兩個甜品豆奶桃脂：固名思意 就係豆奶做底， 桃脂係類似ＪＥＬＬＹ甘, 不過有少少桃味,但偏淡,個感覺就好似D桃味都俾D豆奶吸收左甘,幾特別
紅糖冰粉: 係四川特有既冰粉,我覺得就好似涼粉甘,但就比較軟身而且要好凍食先好味, 紅糖其實偏甜, 但當你食完麻辣後, 再食一啖冰粉, 你會感覺到D紅糖將你口入面既麻味中和左. 所以我覺得呢個係解麻佳品
總括而且, 呢間係幾有特色既川菜, 食落去既口感係有少少符合番香港人既口味, 但仍保留到四川既特色
而好似之前所講其實四川菜並吾係真係超辣, 如果食得到少少辣既朋友亦可以去呢間食下
若果係十分食得辣既朋友千其吾好當係去食辣野甘心態, 應該以欣賞角度去試.
Post
