Santorini Greek Restaurant

Open Now

Now Closed

Set lunch 有餐湯或沙律、主食、甜品及飲品。餐湯：飲落味道似洋蔥蔬菜湯，但嗒唔出真正係咩蔬菜，纖維感十足，味道不錯。沙律：係希臘沙律，沙律菜上洒滿羊奶芝士碎，清爽得嚟又有濃郁奶騷味。Souvlaki（$150）串燒可選雞或牛，揀咗後者。串燒份量不小，有六大粒牛肉粒，望落好似烤得好乾，但食落完全另一回事，裡面仍軟熟，而且仲有少量肉汁，牛味足帶丁丁牛騷味，好味道。Pita bread 有四片，微溫，口感軟身，點埋醬汁（好清新，勁 fresh，青瓜、西芹、檸檬汁、乳酪）一齊食，勁夾，勁 like。薯條就唔合格了，似炸咗一段時間，唔脆身兼淋咗。Seafood risotto（$135）一上枱已經好香嘅香草味（並唔係濃味嘅香草，係清新嘅香草味）。米飯軟身好夠味，海鮮汁入哂味，海鮮有蝦、蜆、八爪魚、魷魚、吞拿魚粒，連埋車厘茄及蔥花，整體十分滿意。甜品：今日係 tiramisu，size 唔細，味道正常。餐飲：咖啡係即磨，凍檸茶正常。餐廳裝修好有希臘白色小屋 feel，坐得好舒服。PS：只收現金及AE，另收加一服務費。