經典廚房 (H.A.N.D.S) (Closed)

原本訂了位對面間酒樓，臨時取消改去來呢間廚房試下。雖然環境不夠對面間咁好，話明係廚房，所以食完全身都有好大陣油煙味，坐車回家途中，感覺好檻尬。除了這樣，其他都好滿意！首先，白灼蝦，好抵又好鮮甜新鮮好味，2-5人十蚊有一斤，由於媽咪已到，我們放工入去屯門車程要個多少時，她就點了這個先，怕售完即止。一蝶有18隻蝦，我們一行五人（其中一位小朋友）份量適中。跟著點了三寶：蒜容蒸波士頓龍蝦，以為硬殼，其實軟殼好容易開，唔使用鉗都得，龍蝦鉗好多肉，好鮮嫩。蟲草花魚肚浸翡翠，清清地夠熱。家鄉蒸龍躉頭腩，魚肉好冧，麻麻地。又點鎮店推介的石春燒乳豬半隻，好有驚喜！皮好脆，熱辣辣的黑色石春墊底，保存熱度，今天節氣大雪，食咗溫暖呀！最後點個拔絲鲜肉排，好夠獲氣，肉質好爽，好鮮，紫洋蔥彩椒菠蘿伴菜，酸酸甜甜好開胃。最最最後點了一窩海皇豆腐羹，有爽口的蝦蟹柳草菇滑lulu的豆腐，湯又夠熱，味道適中，唔太鹹！因為好飲差啲忘記了拍照𠻹！仲有值得讚賞的就是上菜有效率！食物夠獲氣！👍🏻👍🏻下次有機會再來臨！