Video
Read full review
2021-10-24
1177 views
早排試過時代廣場既Banchan and Cook，今日係太古城中心見到原來呢度都有，不如又試試！周日午飯時間黎到，排哂長龍，好彩等左15分鐘左右就有位。有位之後就可以去收銀落單，服務員會俾個機仔你，個機響就可以自己去攞野食，不設加一服務費。Banchan and Cook係做韓式fusion菜式。 餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。主菜可以升級套餐，配是日沙律及推介飲品加$48。今日叫左一款意粉，一份肉，一個小食，一份甜品同兩杯飲品分享。等左一陣就有得攞，分開三轉攞，甜品自動後上。餐具水杯等都係自助。墨汁大蝦寬條麵 $98墨汁大蝦寬條麵原來係Halloween特別版意粉，其實係加左墨汁嘅扁意粉，上面灑上芝士粉。意粉少少鹹，味道調得好，質感好正，非常有咬口。伴碟有一隻連殼大蝦，肉質唔錯而蝦頭有膏，上面仲加左香草。伴碟仲有新鮮沙律菜同兩粒車厘茄，加左極少沙律醬。呢道菜如果熱啲食應該會更加正。燒醬油黑毛豬白切肉配大醬生菜 $182 白切肉即中菜既東坡肉，非常邪惡！呢道菜首先賣相唔錯，燒醬油黑毛豬白切肉一客9件擺到好似把扇，伴碟
Banchan and Cook係做韓式fusion菜式。 餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。主菜可以升級套餐，配是日沙律及推介飲品加$48。今日叫左一款意粉，一份肉，一個小食，一份甜品同兩杯飲品分享。等左一陣就有得攞，分開三轉攞，甜品自動後上。餐具水杯等都係自助。
墨汁大蝦寬條麵
$98
56 views
0 likes
0 comments
墨汁大蝦寬條麵 $98
墨汁大蝦寬條麵
$98
45 views
0 likes
0 comments
墨汁大蝦寬條麵原來係Halloween特別版意粉，其實係加左墨汁嘅扁意粉，上面灑上芝士粉。意粉少少鹹，味道調得好，質感好正，非常有咬口。伴碟有一隻連殼大蝦，肉質唔錯而蝦頭有膏，上面仲加左香草。伴碟仲有新鮮沙律菜同兩粒車厘茄，加左極少沙律醬。呢道菜如果熱啲食應該會更加正。
燒醬油黑毛豬白切肉配大醬生菜
$182
12 views
0 likes
0 comments
燒醬油黑毛豬白切肉配大醬生菜 $182
白切肉即中菜既東坡肉，非常邪惡！呢道菜首先賣相唔錯，燒醬油黑毛豬白切肉一客9件擺到好似把扇，伴碟有生菜同薄荷葉幾塊，泡菜，青辣椒粒，蒜片，同豆板醬。白切肉肥瘦相間，塊皮同脂肪超有彈性，質感超好，食落唔覺肥。而白切肉味道腌得唔錯，燒醬油少少甜甜哋咁。可以用生菜或者薄荷葉包住一塊白切肉，再加泡菜，青辣椒粒，蒜片（留意係好辣嘅！），同埋灑上白芝麻粒嘅豆板醬一齊食，別有一番滋味。
甜辣無骨炸雞 半份 $138
小食叫左炸雞，可以揀全份或半份，有骨或者無骨，又有幾款唔同口味揀。我哋揀左半份無骨甜辣炸雞。半份都有十舊左右。炸雞炸得皮脆肉嫩，全部都有肉汁。炸雞上面有4條年糕，煙煙韌韌！下面就有少少炸薯條墊底，全部面頭都滿佈甜辣醬，味道甜多過辣，上面灑上黑芝麻粒，花生碎同瓜籽，夠哂味道同口感。另配一小兜千島醬同煉奶，點埋黎食更加甜。可惜食嗰陣時已經凍左，如果熱辣辣食一定更好食。
是日沙律
19 views
0 likes
0 comments
是日沙律
跟餐是日沙律係慢煮雞胸紅菜頭沙律，呢個紅色又配合到Halloween呢個主題。紅菜頭粒同雞肉粒都加左沙律醬，味道甜甜哋，口感係爽脆紅菜頭配嫩口雞肉粒，面頭仲灑上花生碎同香草，真心唔錯，可惜份量太少。
臨近Halloween，就叫兩杯暗黑飲料應一應節！飲品係用膠杯裝。
暗黑地獄世界 $48 另加一 （左）
暗黑地獄世界即係竹炭牛奶沙冰。一大杯竹炭碎冰加左牛奶，碎冰面頭又放左少少瓜籽，花生碎同黑芝麻粒。碎冰整碎左之後好易食，味道方面就係啖啖嘅牛奶味。
科學怪人之夜 $48 另加一 （右）
科學怪人之夜其實係竹炭加抹茶。飲品明顯見到有三層，由上至下有竹炭同抹茶。今次嘅抹茶味濃好多，唔會太淡。最正係啖啖都食到啲開頭加喺面嘅花生碎同黑芝麻粒，好有咬口。
烤朱古力棉花糖
$78
10 views
0 likes
0 comments
烤朱古力棉花糖 $78
烤朱古力棉花糖
$78
9 views
0 likes
0 comments
烤朱古力棉花糖係用烤盤上枱，足足有15粒唔同顏色嘅棉花糖，上面灑上糖霜，朱古力碎同朱古力醬，下底原來內有乾坤，係有大量消化餅碎，伴碟仲有兩塊消化餅。我第一次食焗棉花糖，原來焗過嘅棉花糖係超級軟綿綿，拎起嘅時候仲拉絲，配朱古力醬，朱古力碎同脆脆消化餅一齊食有多重口感同味道，甜度啱啱好，不過最好唔好獨食。餐廳特登最後先上呢個甜品，呢個甜品就夠熱啦。
野食同飲品真係幾有特色，餐廳裝修都好有特色，全部都係南瓜，過節黎食野應該幾好。
Post
