Video
Read full review
2023-07-31
33 views
2023年7月3日 星期一今日同老婆一齊早左收工，所以出到去尖沙咀行下街順便拍拖食飯，去左金馬倫廣場既一間餐廳食，見網上面評價唔錯就預先book左位，所以一去到就可以即刻入座，兼且坐bar台位可以睇住師傅整野食我哋每人都點左一個$998既一人鐵板燒set，裡面有齊前菜、刺身、主菜鐵板燒同甜品一共十二道菜，唔需要諗揀食乜又肯定食得飽一點完菜首先黎到既係沙律同前菜三小點，分別上面係海葡萄沙律，而下面由左邊就係鮑魚、日本麻醬豆腐同醃青瓜，沙律食落去好清新，海葡萄脆卜卜，至於麻醬豆腐同醃青瓜就酸酸甜甜幾開胃跟住有時令生蠔，配有少少酸汁同埋黑魚籽，十分新鮮，蠔肉好飽滿，一啲都食唔到腥味，配埋酸汁同黑魚籽更加夾，更突顯蠔肉嘅味道之後有刺身，分別係油甘魚、赤身同牡丹蝦，全部都好新鮮，無雪藏味，赤身入口即融，可以媲美拖羅，而牡丹蝦既蝦肉就好彈牙，有咬口跟住有茶碗蒸配黑松露油同鰹魚汁，蛋蒸得好滑溜，上面仲有少少三文魚籽帶點鹹香，無諗到蒸蛋配黑松露油都幾夾，黑松露味唔算太出搶左蛋香再黎有南非鮑魚配鰹魚汁， 鮑魚同昆布一齊食會更加鮮味， 鮑魚都好有咬口，而上面放住鮑魚既牙齒同肝臟，諗都諗唔到可以煮埋黎食，真
今日同老婆一齊早左收工，所以出到去尖沙咀行下街順便拍拖食飯，去左金馬倫廣場既一間餐廳食，見網上面評價唔錯就預先book左位，所以一去到就可以即刻入座，兼且坐bar台位可以睇住師傅整野食
我哋每人都點左一個$998既一人鐵板燒set，裡面有齊前菜、刺身、主菜鐵板燒同甜品一共十二道菜，唔需要諗揀食乜又肯定食得飽
一點完菜首先黎到既係沙律同前菜三小點，分別上面係海葡萄沙律，而下面由左邊就係鮑魚、日本麻醬豆腐同醃青瓜，沙律食落去好清新，海葡萄脆卜卜，至於麻醬豆腐同醃青瓜就酸酸甜甜幾開胃
跟住有時令生蠔，配有少少酸汁同埋黑魚籽，十分新鮮，蠔肉好飽滿，一啲都食唔到腥味，配埋酸汁同黑魚籽更加夾，更突顯蠔肉嘅味道
之後有刺身，分別係油甘魚、赤身同牡丹蝦，全部都好新鮮，無雪藏味，赤身入口即融，可以媲美拖羅，而牡丹蝦既蝦肉就好彈牙，有咬口
跟住有茶碗蒸配黑松露油同鰹魚汁，蛋蒸得好滑溜，上面仲有少少三文魚籽帶點鹹香，無諗到蒸蛋配黑松露油都幾夾，黑松露味唔算太出搶左蛋香
再黎有南非鮑魚配鰹魚汁， 鮑魚同昆布一齊食會更加鮮味， 鮑魚都好有咬口，而上面放住鮑魚既牙齒同肝臟，諗都諗唔到可以煮埋黎食，真係第一次，口感好特別，牙齒脆脆地好似食緊豬軟骨咁，肝臟就比較腍但完全食唔到腥味
呢個係銀鱈魚配上白蜆汁，而銀鱈魚上面仲鋪有法國燉菜，感覺似fusion菜式，魚肉好嫩滑，吸收晒醬汁既味道，燉菜煮得好入味，同魚肉既味道平衡得岩岩好
呢一道係帝王虎蝦，用左蝦頭蝦殼嘅膏整成嘅醬汁，擺盤已經好靚，師傅還原返成隻蝦出嚟，每一啖都食到醬汁同蝦肉，超濃郁嘅蝦味，而且蝦肉好彈牙，感覺似係食緊龍蝦咁
之後仲有美國安格斯牛柳，近蒜片果邊比較腍，完全無筋，而且蔬菜落左黑松露油，味道好足夠，食完牛柳之後再食蔬菜會冇咁油膩
然後係鹿兒島黑毛豬肩，師傅唔會整到過熟，中間嘅肉仍然見到有些少粉紅色，所以好腍又充滿肉汁，加埋上面嘅醬汁一齊食，簡直係一流
冇諗過之後仲會有湯同炒飯，炒飯裡面加左白飯魚、鰹魚乾同櫻花蝦，而最特別就係當中竟然仲有酸梅醬同梅子醬，完全冇諗過可以同炒飯撈埋一齊，味道酸酸地幾開胃，全部食材加埋都幾夾，師傅仲話食到一半之後可以落鰹魚湯同wasabi變成茶漬飯，咁就有兩種食法，真係好特別
甜品就有豆腐雪糕配脆脆同朱古力醬，豆腐味幾出，食落唔會太甜，作為甜品啱啱好，可以解去剛才食物嘅油膩感
埋單每人一千蚊左右，性價比幾高，真係食到好飽！！
Post
