新肥泉海鮮大排檔

Open Now

Now Closed

見到有90分鐘放題嘅大排檔，梗係要嚟挑戰一下食得幾多！今次就試吓小炒+煲仔，食物喺即叫即整，但佢地好快手就煮好哂👍🏻仲一碟接一接咁上菜，所以每一碟都夠哂熱辣辣。見到全部食物都勁大碟，最終梗係挑戰失敗😬椒鹽鴨舌鴨舌外層炸得非常酥脆，加埋椒鹽炸蒜兜炒，夠惹味！加埋碟魚露，感覺仲冇咁熱氣。肥泉小炒王誠意十足，用料夠豐富。配菜有黃紅椒、魷魚、叉燒、蝦乾、菜脯外，表面仲有脆口銀魚仔、腰果。而且韮菜花入口爽嫩冇渣，火候控制得啱啱好👍🏻👍🏻豬潤啫啫鮮雞煲一上枱，「嗞嗞」聲不斷，非常吸引。豬潤唔算大塊厚身，但就算鍋內繼續高溫加熱，食落嘅口感絕對唔粗糙。鮮雞件起碼有半隻雞嘅份量。配搭廚房三寶「薑、蔥、蒜」勁香濃，送飯一流！黑椒薯仔牛柳粒焦香味十足，薯仔炸過好香脆，牛柳走過油，唔會乾柴，仲吸收哂黑椒蜜糖嘅味道。