Video
Read full review
2023-12-30
70 views
聖誕節長假，約左三五知己要聚一聚～ 有朋友推介呢間韓國餐廳，所以就決定一齊試下喇！ 未去之前其實睇過Openrice，見冇乜食評，所以都冇好大期望～～餐廳位置好隱藏，喺正韓印紅門市隔離有個好低調好窄嘅入口，唔係專登搵都好難發現，但原來入到去都幾大幾闊落，只係一坐低嘅時候有啲Foodcourt feel～ 但都幾舒服嘅，而且都唔會趕人走。店員大部份都係韓國人，但態度都係Nice嘅～～講返食物質素先！ 一開始其實真係冇抱好大嘅期望，但係食落發現啲食物都好有水準！ 我地5個女仔，叫左一個牛膝骨湯飯，半份辣豬手（唔記得全名），一份炸雞，一份煎餅，仲有一份炸人蔘魷魚～～ 啲份量好大，結果我地都食唔哂🙈五道菜入面最推介係辣豬手，唔係好辣但好惹味！明明叫左半份但個份量好大，我地係咁食都食唔完😋～～ 另外呢度嘅炸物都好出色，個炸人蔘魷魚擺盤靚，食落仲超好食，炸漿好薄又唔油，連怕熱氣嘅朋友都食到唔停口～～ 炸雞我地叫左原味+甜辣，平時我對原味一般嘅，不過佢地嘅炸雞炸得好Juicy，食落又忍唔住食多舊🙈…….可能已經食到尾聲好飽，有醬嘅甜辣味炸雞令我有啲漏，但其實都整得唔錯。至於牛膝骨湯飯呢～ 牛膝骨湯有
餐廳位置好隱藏，喺正韓印紅門市隔離有個好低調好窄嘅入口，唔係專登搵都好難發現，但原來入到去都幾大幾闊落，只係一坐低嘅時候有啲Foodcourt feel～ 但都幾舒服嘅，而且都唔會趕人走。店員大部份都係韓國人，但態度都係Nice嘅～～
講返食物質素先！ 一開始其實真係冇抱好大嘅期望，但係食落發現啲食物都好有水準！ 我地5個女仔，叫左一個牛膝骨湯飯，半份辣豬手（唔記得全名），一份炸雞，一份煎餅，仲有一份炸人蔘魷魚～～ 啲份量好大，結果我地都食唔哂🙈
五道菜入面最推介係辣豬手，唔係好辣但好惹味！明明叫左半份但個份量好大，我地係咁食都食唔完😋～～ 另外呢度嘅炸物都好出色，個炸人蔘魷魚擺盤靚，食落仲超好食，炸漿好薄又唔油，連怕熱氣嘅朋友都食到唔停口～～ 炸雞我地叫左原味+甜辣，平時我對原味一般嘅，不過佢地嘅炸雞炸得好Juicy，食落又忍唔住食多舊🙈…….可能已經食到尾聲好飽，有醬嘅甜辣味炸雞令我有啲漏，但其實都整得唔錯。
至於牛膝骨湯飯呢～ 牛膝骨湯有啲淡，朋友話可能唔記得左跟埋鹽俾我地？🤔但我自己都接受到清清嘅湯。半半煎餅嘅味道唔錯，不過口感比較淋，我會中意脆口啲～
食左咁多野（+兩枝米酒），一心以為埋單實好貴，點知除返開每人兩百都唔駛，嚇左我地一大跳！呢間餐廳CP值超高，食物水準都好好，已經同朋友講左下次一定要再黎試下其他食物！！
Post