Video
Read full review
2022-09-03
437 views
見見到好多人留低好好既 review ，今晚專登黎試下，果然無失望，仲要食得好開心，估唔到將軍澳有d咁高質既西餐！係門口有位小店長（廚師既大仔，只有六歲）招待我地。小店長好醒目，態度好專業，成晚不停走過黎同我地傾計。我地兩大一細叫咗兩個意粉，一個 carbonara 一個 龍蝦意粉。加$10 可以將意粉加大。本身想將 carbonara 加大，不過小店長建議我地將龍蝦意粉加大，因為佢話龍蝦意粉更加好味，我地就聽佢意見。小店長果然無錯。雖然 carbonara 都好味，不過龍蝦意粉更出色。個味道同presentation真係比其他高級餐廳更吸引。外面好多餐廳既龍蝦意粉係用番茄醬加幾塊龍蝦。呢到係真係用龍蝦醬做個底，個醬好似 lobster bisque咁，意粉煮到 Al dente 好 perfect。廚師仲好細心，分開預備咗少少 chilli flakes，比客人自己決定加唔加。我地再加咗個 salmon steak 同玉米比小朋友。雖然係兒童餐，但係睇得出廚師照好比心機煮，三文魚煎得好脆。另外好加分係餐廳有個 play mat 同玩具比小朋友玩。有小朋友既大人都知道帶小朋友出去食野最
係門口有位小店長（廚師既大仔，只有六歲）招待我地。小店長好醒目，態度好專業，成晚不停走過黎同我地傾計。
我地兩大一細叫咗兩個意粉，一個 carbonara 一個 龍蝦意粉。加$10 可以將意粉加大。本身想將 carbonara 加大，不過小店長建議我地將龍蝦意粉加大，因為佢話龍蝦意粉更加好味，我地就聽佢意見。
小店長果然無錯。雖然 carbonara 都好味，不過龍蝦意粉更出色。個味道同presentation真係比其他高級餐廳更吸引。外面好多餐廳既龍蝦意粉係用番茄醬加幾塊龍蝦。呢到係真係用龍蝦醬做個底，個醬好似 lobster bisque咁，意粉煮到 Al dente 好 perfect。廚師仲好細心，分開預備咗少少 chilli flakes，比客人自己決定加唔加。
我地再加咗個 salmon steak 同玉米比小朋友。雖然係兒童餐，但係睇得出廚師照好比心機煮，三文魚煎得好脆。
另外好加分係餐廳有個 play mat 同玩具比小朋友玩。有小朋友既大人都知道帶小朋友出去食野最麻煩係小朋友坐唔定。呢個 play area 就可以比小朋友等野食既時候玩。
最後，真係好欣賞廚師一家咁有 passion 煮野食。佢地兩夫婦準備食物，婆婆（或嫲嫲）同大仔幫手做侍應。細仔真係太細，好多時仲要媽媽抱住。雖然餐廳好大，但係只有5至6張檯，睇得出一家人真係好有 heart 去做餐廳。大仔真係好可愛老積。佢只有6歲，不過見到我地比杯水我地既2歲小朋友飲，專登走過黎提醒我地話個杯太多水，叫我地飲咗d先比 bb 飲，如果唔係好容易飲到周圍都係🤣 成晚同佢傾計真係覺得好窩心 😍
今晚餐廳唔算多人，我地行返去停車場既時候見到其他我地認為野食好普通既鋪頭反而仲多人，可能佢鋪頭黎商場比較遠少少，所以少d人會 walk in，好可惜！
極力推介比所有人，尤其係想支持小店既人。好期待下次返黎試埋其他野😍
Corn soup
13 views
0 likes
0 comments
Carbonara
10 views
0 likes
0 comments
龍蝦意粉
15 views
0 likes
0 comments
Post
