Video
Read full review
2024-09-16
1297 views
之前見到朋友社交平台去咗呢間火鍋放題食，對餐廳名印象深刻，終於有機會親自嚟試吓喇！一去到餐廳就得到好好招呼，眼鏡女士由湯底到自取食品都為我哋清楚介紹～一開波朋友就走咗去熟食區，勁多選擇，有KFC失傳嘅薯格、炸燒賣(必食！)、波浪薯條、麥樂雞、咖哩角、咖喱魚蛋，涼拌菜又有拍青瓜同木耳，未有湯底已經有得食！當然醬料及飲品都係要拎定埋位嘅item啦！醬料多到花多眼亂，可以自己配搭，而飲品就有支裝冷泡茶、汽水、台式飲品等等多元化選擇，我就揀咗第二度都比較少見嘅紅豆薏仁飲品啦，唔甜，好飲！我哋揀咗清酒蜆湯底，足本送上一壺酒，餐廳仲話唔夠酒可以再refill！裡面仲有一堆蜆可以食，蜆肉冇沙，好味！打邊爐梗係食牛先！我哋先嚟一round A4和牛，有A4和牛牛胸片、A4和牛後腿肉同埋A4和牛肩胛肉眼，唔同部位有唔同味道及口感，我哋就最鐘意和牛牛胸片，唔好睇佢好似好肥咁，食落嫩滑多汁，係最好食嘅一款牛！當然仲有其他牛肉可以揀啦！牛五花腩、澳洲M5和牛牛肩胛、M8和牛呢啲都可以無限任叫，而我哋比較鐘意美國安格斯牛板腱嘅口感、同埋食落甘香味濃嘅薄切封門柳！餐廳個落單APP仲好貼心咁，每款食物都有簡短介紹，
一開波朋友就走咗去熟食區，勁多選擇，有KFC失傳嘅薯格、炸燒賣(必食！)、波浪薯條、麥樂雞、咖哩角、咖喱魚蛋，涼拌菜又有拍青瓜同木耳，未有湯底已經有得食！
當然醬料及飲品都係要拎定埋位嘅item啦！醬料多到花多眼亂，可以自己配搭，而飲品就有支裝冷泡茶、汽水、台式飲品等等多元化選擇，我就揀咗第二度都比較少見嘅紅豆薏仁飲品啦，唔甜，好飲！
我哋揀咗清酒蜆湯底，足本送上一壺酒，餐廳仲話唔夠酒可以再refill！裡面仲有一堆蜆可以食，蜆肉冇沙，好味！
打邊爐梗係食牛先！我哋先嚟一round A4和牛，有A4和牛牛胸片、A4和牛後腿肉同埋A4和牛肩胛肉眼，唔同部位有唔同味道及口感，我哋就最鐘意和牛牛胸片，唔好睇佢好似好肥咁，食落嫩滑多汁，係最好食嘅一款牛！當然仲有其他牛肉可以揀啦！牛五花腩、澳洲M5和牛牛肩胛、M8和牛呢啲都可以無限任叫，而我哋比較鐘意美國安格斯牛板腱嘅口感、同埋食落甘香味濃嘅薄切封門柳！餐廳個落單APP仲好貼心咁，每款食物都有簡短介紹，大家可以因應自己鐘意嘅口感同味道去落單！
海鮮就有越南虎蝦同黑魚片，兩款都好新鮮，虎蝦用竹籤串好，肉質爽口鮮甜，連個蝦頭都新鮮甜美；黑魚又名烏鱧魚，肉質極之滑溜，平時食酸菜魚都係佢，用嚟火鍋食真係好正！
自助區有好多火鍋丸類選擇，除咗大路嘅芝心包、腸仔等等，仲有台式腸同埋平時去買都唔平嘅海鮮卷。而我就鐘意喺APP落order先有嘅手打牛滑，係由澳洲同紐西蘭進口草飼牛肉製成，又彈牙又多汁，急凍牛丸真心冇得比！特別要提一提，餐廳有款期間限定嘅食物「台灣阿給」，係台灣淡水名物，以油豆腐外皮填滿内餡豬肉、魚漿、粉絲同木耳，估唔到索晒湯底之後係咁好食，調味剛剛好，係今晚最大驚喜！
食飽飽之後就問眼鏡女士有冇雪糕，原來雪糕因為之前打風未有補貨，但餐廳都準備咗日本製芝士蛋糕俾客人做飯後甜品，好有誠意～
食完呢餐，無論個肚定係心靈都好滿足，除咗食物之外，眼鏡女士親切有禮嘅招呼絕對加晒分！香港做餐廳真係唔容易，用心經營嘅餐廳真係要多多支持呀～
Post
