Video
Read full review
2016-07-12
629 views
同朋友一直喺尖沙咀留到夜晚，咁梗係一齊食埋夜晚飯啦，同佢兩個傾開，先發現原來大家都好想試吓山林道街尾嘅嗰間BV Kitchen and Bar，次次去到都見到好多人係入面食，而且裏面好似有live music，一決定咗就即刻行過去啦，未到七點去到，啱啱好有枱，真係似五分鐘都要等位啊。餐廳唔算好大，燈光偏暗，好有個種德國酒吧餐廳嘅格調，一坐低左經理就走來介紹一下佢哋最近轉左嘅新餐單，同埋一啲特色嘅雞尾酒。BV Teenage $118邊個經理嘅介紹，我決定飲呢度嘅signature ,呢款飲品係用咗奇異果汁，rum酒，酸蘋果同埋薄荷去調制嘅，係我最愛嘅沙冰，非常重奇異果味，仲有酸酸甜甜嘅蘋果汁，酒味反而唔算好濃，好似佢個名咁樣，好適合冇飲開酒嘅人飲。BV Golden age $118喺呢度嘅另一款signature，但係酒味就濃好多啦，用咗威士忌加蜜糖同蘋果汁，飲落去有少少先甜後苦嘅感覺，因為用咗煙熏味較重嘅威士忌。German sausage Platter $218其中一個朋友無論如何都要嗌腸食，一邊有三四款腸，經理話其實一共有五種，視乎當日會揀三四款嘅，我哋食咗普通味架啦，有一隻
餐廳唔算好大，燈光偏暗，好有個種德國酒吧餐廳嘅格調，一坐低左經理就走來介紹一下佢哋最近轉左嘅新餐單，同埋一啲特色嘅雞尾酒。BV Teenage $118
邊個經理嘅介紹，我決定飲呢度嘅signature ,呢款飲品係用咗奇異果汁，rum酒，酸蘋果同埋薄荷去調制嘅，係我最愛嘅沙冰，非常重奇異果味，仲有酸酸甜甜嘅蘋果汁，酒味反而唔算好濃，好似佢個名咁樣，好適合冇飲開酒嘅人飲。BV Golden age $118
喺呢度嘅另一款signature，但係酒味就濃好多啦，用咗威士忌加蜜糖同蘋果汁，飲落去有少少先甜後苦嘅感覺，因為用咗煙熏味較重嘅威士忌。German sausage Platter $218
其中一個朋友無論如何都要嗌腸食，一邊有三四款腸，經理話其實一共有五種，視乎當日會揀三四款嘅，我哋食咗普通味架啦，有一隻非常辣嘅，黑椒味同埋芝士味，我自己就比較喜歡黑椒味同芝士味，即係白色嗰兩款，辣個款呢我就覺得真係太辣啦，我啲朋友食到津津有味，但係我真係頂唔順係咁飲嘢。BV snack combo $198
分別有炸魚，nachos，洋蔥圈，芝士炸蝦餅，雞翼，雞翼都係有少少辣嘅，只係buffalo但我唔肯定，芝士炸蝦餅切開可以拉絲，但係芝士味又唔算濃，nachos好似唔係好夠脆，而且上面再加多少少芝士就好啦，炸魚裏面嘅魚肉好冧，外脆內軟，而且仲有好香嘅魚味，最值得一提一定係洋蔥圈，洋蔥切得比較厚身，炸醬好薄，炸完之後洋蔥仲係可以保持住佢嘅水份，一脆一爽，非常好食！Black truffle mushroom risotto $178
呢個真係不得了，一上枱已經聞到好香嘅野菌味，加埋啲黑松露，個肚已經打晒鼓，成個返我諗起碼40%都係菇，而且啲菇好新鮮好夠味，咬落好有口感，每一啖你都會起碼食到一半係菇，個感覺真係好正，意大利飯煮得傳統，唔會林啤啤，咁樣硬身少少先係真正嘅意大利飯！而且佢冇用好多忌廉去煮，唔會話好多汁，搶咗野菌浸味，食落一啲都唔覺得膩，三扒兩撥就俾我地食晒啦。Slow cook beef cheek $288
牛面頰肉真係唔係度度有得食，所以我哋放棄咗叫牛扒，叫咗牛面頰，識落個感覺有啲似牛腩，非常諗，而且冇乜肥又冇乜筋，感覺上有好多骨膠原，所以其實八安士都夠食。Roasted salted baby back ribs $168
呢個菜最遲上，因為要等45分鐘，同一般我哋食到嘅BBQ ribs唔同，呢個冇汁既，亦唔似BBQ ribs咁整定左，而係即叫即燒，識落只係有鹹味同埋豬嘅油香味，唔會比燒烤醬搶晒鏡，我覺得好食過黑毛豬添， 45分鐘都係值得等嘅。飽到不得了，買單每位＄500 ,以一間咁多人食嘅餐廳來講，呢種質素真係好抵食，另外要提一提嘅係佢哋有一個結他手駐場唱歌，我覺得佢唱得好好聽呀，一d都唔馬虎，唔會喺度曬技巧，又唔會唱啲好嘈嘅歌，我食過嘅餐廳裏面呢度嘅live music可以排係頭頭！
Post
