Video
Read full review
2001-06-18
4 views
前晚同家企人o係度慶祝我同家姐十九歲生日。地方唔係好大，但每檯之間相隔甚遠；坐位舒適；環境寧靜配含陰暗o既燈光(我最鐘意o架！)。食物方面：爸爸頭盤要o左個煎鵝肝同什菜湯而主菜就點o左焗龍蝦。媽咪要o左個Set Meal ($788 with wine) 有白露筍With Parma Ham、牛仔肉伴煎鵝肝、海鮮意粉同埋意大利式雪糕。細佬都o益o左煎鵝肝、磨菇湯(唔係忌薕果隻) 同埋燒羊扒。家姐同我呢…就兩份share o左個龍蝦茄汁意粉同埋神戶牛柳$4xx做做First Course同主菜。嘩~ 估唔到o的o野咁好食喎~煎鵝肝好新鮮又唔搔；個皮唔係平時食開做到好脆o個隻，而係厚厚o地、脆脆o地咁，以前未食過咁樣o既鵝肝，幾特別！磨菇湯、什菜湯好大碗，幾好味；二百幾蚊碗，抵唔扺就見仁見智喇.. (爸爸話扺喎..)我o地同媽咪個意粉亦都好出色，意粉軟硬適中，材料鮮味十足味。主菜方面，爸爸同細佬話燒羊扒同焗龍蝦正到不得了！媽咪個牛仔肉同我o地個神戶牛柳都好好味，但係伴牛仔肉個煎鵝肝就唔係好掂，有d搔..(伴碟o既真係唔同d…)而我就嫌件牛柳肥膏多o左d…有d膩…接著當然唔少得我個Tir
地方唔係好大，但每檯之間相隔甚遠；坐位舒適；環境寧靜配含陰暗o既燈光(我最鐘意o架！)。
食物方面：
爸爸頭盤要o左個煎鵝肝同什菜湯而主菜就點o左焗龍蝦。
媽咪要o左個Set Meal ($788 with wine) 有白露筍With Parma Ham、牛仔肉伴煎鵝肝、海鮮意粉同埋意大利式雪糕。
細佬都o益o左煎鵝肝、磨菇湯(唔係忌薕果隻) 同埋燒羊扒。
家姐同我呢…就兩份share o左個龍蝦茄汁意粉同埋神戶牛柳$4xx做做First Course同主菜。
嘩~ 估唔到o的o野咁好食喎~
煎鵝肝好新鮮又唔搔；個皮唔係平時食開做到好脆o個隻，而係厚厚o地、脆脆o地咁，以前未食過咁樣o既鵝肝，幾特別！
磨菇湯、什菜湯好大碗，幾好味；二百幾蚊碗，抵唔扺就見仁見智喇.. (爸爸話扺喎..)
我o地同媽咪個意粉亦都好出色，意粉軟硬適中，材料鮮味十足味。
主菜方面，爸爸同細佬話燒羊扒同焗龍蝦正到不得了！
媽咪個牛仔肉同我o地個神戶牛柳都好好味，但係伴牛仔肉個煎鵝肝就唔係好掂，有d搔..(伴碟o既真係唔同d…)
而我就嫌件牛柳肥膏多o左d…有d膩…
接著當然唔少得我個Tiramisu生日蛋糕啦~
雖然個Tiramisu中間夾住果d唔係Lady Fingers 而係海棉蛋糕；但o的海棉蛋糕就濕濕o地、好鬆軟咁。個個都話正呀~
而Set入面個意大利式雪糕整到好似西餅咁，兩層酥皮夾住一層朱古力一層Vanilla一層果仁雪糕。
果仁雪糕好香好好味呀~~
我o地一致認為無論環境、食物、Services同價錢，Toscana都比上年慶祝生日o個間Sabatini 好~
呢餐飲品連蛋糕$36XX，爸爸話算幾抵，至少好食先啦！
Post