Video
Read full review
2025-01-26
0 views
難得老朋友再約，大家聚集食冬至飯，今次選址西貢，當然係食海鮮啦！我哋揀咗勝記，連續四年名獲米芝蓮一星~ 可以食到獨特烹調方法嘅海鮮👍🏻勝記除咗可以坐室外，仲有VIP貴賓房，私隱度高。脆炸墨魚餅炸到金黃色嘅墨魚餅，入口香脆，墨魚粒同馬蹄令到墨魚餅入口彈牙，而且好有口感。花雕酒醉瀨尿蝦超巨型嘅瀨尿蝦，已經預先拆殼可以直接食，入口啖啖肉好新鮮，而且有花雕酒嘅香味，更能帶出瀨尿蝦嘅鮮味。蕃茄薯仔⽊⽠煲⿂湯飲返個靚湯，木瓜魚湯新鮮熬製，入口味道香濃，淡淡魚香，而且沒有腥味。酒糟粉絲蒸鮮元貝酒槽醬汁令到顏色好鮮艷，好有創意，酒槽醬汁味道香甜，元貝入口新鮮，粉絲索晒啲醬汁好惹味。濃香芝士龍蝦 伴 脆米粉芝士龍蝦肉質爽彈，味道鮮甜，有濃濃嘅芝士味，脆米粉炸得酥脆，好似一塊塊多士咁，沾上芝士汁令人好滿足。秘製桶蠔生菜盞桶蠔用鹹蛋黃炸完好有鹹香，包起生菜包來吃，感覺冇咁油膩，紫蘇葉嘅配搭，估唔到咁match。蜜糖芥末山楂骨山楂骨外脆內軟，蜜糖芥末酸酸甜甜嘅味道令人好開胃。海花甲蝦湯浸豆胚海花甲及鮮蝦熬製出來嘅湯汁好清甜，令到鮮嫩嘅豆杯都吸收咗湯汁嘅精華。豉油皇炒麵平平無奇嘅炒麵先至係最好食，炒麵炒得乾身有
難得老朋友再約，大家聚集食冬至飯，今次選址西貢，當然係食海鮮啦！我哋揀咗勝記，連續四年名獲米芝蓮一星~ 可以食到獨特烹調方法嘅海鮮👍🏻
勝記除咗可以坐室外，仲有VIP貴賓房，私隱度高。
脆炸墨魚餅
炸到金黃色嘅墨魚餅，入口香脆，墨魚粒同馬蹄令到墨魚餅入口彈牙，而且好有口感。
花雕酒醉瀨尿蝦
超巨型嘅瀨尿蝦，已經預先拆殼可以直接食，入口啖啖肉好新鮮，而且有花雕酒嘅香味，更能帶出瀨尿蝦嘅鮮味。
蕃茄薯仔⽊⽠煲⿂湯
飲返個靚湯，木瓜魚湯新鮮熬製，入口味道香濃，淡淡魚香，而且沒有腥味。
酒糟粉絲蒸鮮元貝
酒槽醬汁令到顏色好鮮艷，好有創意，酒槽醬汁味道香甜，元貝入口新鮮，粉絲索晒啲醬汁好惹味。
濃香芝士龍蝦 伴 脆米粉
芝士龍蝦肉質爽彈，味道鮮甜，有濃濃嘅芝士味，脆米粉炸得酥脆，好似一塊塊多士咁，沾上芝士汁令人好滿足。
秘製桶蠔生菜盞
桶蠔用鹹蛋黃炸完好有鹹香，包起生菜包來吃，感覺冇咁油膩，紫蘇葉嘅配搭，估唔到咁match。
蜜糖芥末山楂骨
山楂骨外脆內軟，蜜糖芥末酸酸甜甜嘅味道令人好開胃。
海花甲蝦湯浸豆胚
海花甲及鮮蝦熬製出來嘅湯汁好清甜，令到鮮嫩嘅豆杯都吸收咗湯汁嘅精華。
豉油皇炒麵
平平無奇嘅炒麵先至係最好食，炒麵炒得乾身有鑊氣，仲食到少少焦嘅燶味，用最簡單食材煮到，可見廚師功駕。
自家製糕點(桂花糕、益力多糕)
第一次食益力多糕，原來係鎮店出名名物，入口真係食到益力多嘅味道，又唔會太甜，好特別呢~
估唔到西貢都有性價比咁高嘅海鮮餐！食到嗰個好愉快~
Post
